焱丸水產

营业中

休息中

成日喺尖沙咀食嘢，呢间餐厅地点的确比较难揾，唔系朋友介绍都真系唔识佢。果然好介绍！好耐冇食过咁好食嘅日本菜啦。入到去个气氛同布置都好似置身系日本一样💕食物质素都非常好。首先食咗个沙律同埋刺身，之前成日都好担心新闻报道话刺身有虫唔新鲜，但系呢度嘅刺身全部日本直送，食落去都同平时嘅寿司店感觉好唔同，新鲜好多，喺出面食嘅有时食海胆或者系带子真系有少少腥味，但喺度食就完全冇！然后我哋仲叫咗个蟹味甲罗烧，每张枱都会有一个炉俾我哋，我仲要以为要自己烧，但系原来呢度嘅职员会帮我地烧埋😆我哋桥埋双手坐喺度等食就得了另外个鲍鱼壳烧都都非常经典！喺出边食有时啲鲍鱼好硬，好难咬。呢度啲鲍鱼啖啖肉，而且一啲都唔会觉得好硬蚝锅饭都不得不赞，只只都都好大，啖啖肉，加上佢啲酱汁令鲜味更加提升！喺佢度饮嘢都好正。我叫咗个果实酒，水果味十足，而且仲有果肉系入面🌟依间餐厅一定会推介比身边嘅朋友！🤟