影片
更多
2018-05-09
1042 浏览
虽然米芝莲系饮食指南，不过佢哋鬼佬嘛，讲到香港菜，真系识条铁咩。生抽皇黄秋生就唔同，虽则佢都系半个鬼佬，但最少系香港土生土长，佢话好食嘅，我信嫁。早排见到佢去屯门食海鲜食得咁开心，梗系跟，做唔成影帝都可以食影帝餐嘅﹗餐厅就酒楼格局，无咩特别，最多就系坐房同坐大厅有唔同收费。平时食饭就头痕拣咩食，今次简单，黄秋生食咩我食咩，唔够饱就揾伙记推介，完全系思想残废餐。唯一要拣嘅，咪汽水定啤酒啰，畀我见到佢哋系玻璃樽版本，一定系饮汽水，啲气「锯」好多～影帝餐第一道系白酒忌廉煮花甲乌冬，花甲系啲肉系饱满到贴边而唔系空壳公司，抵食吖，同埋就算有忌廉汁系度都食得出只花甲嘅清甜。作为好酒之人我当然希望白酒味再浓啲，不过食得出白酒嘅香味已经好够。而忌廉就比平时食西餐嘅白酒忌廉黄身同多几份甜味，量多但唔系水汪汪，就算摊冻咗入口都唔会好腻。乌冬本来无太大期望，又估唔到佢食落够滑溜，口感唔会过松散或太结实，唔系我买开十蚊几包果种纯医肚Cheap货。泰皇芝心虾丸就系成粒手榴弹咁嘅炸芝士虾丸，香脆嘅面包粒食落去无油膉味，里头包住嘅虾丸亦弹牙唔系一口面粉，而且仲有个一咬就爆嘅芝心，除咗要小心啲芝士系口里面爆出嚟，仲要
餐厅就酒楼格局，无咩特别，最多就系坐房同坐大厅有唔同收费。平时食饭就头痕拣咩食，今次简单，黄秋生食咩我食咩，唔够饱就揾伙记推介，完全系思想残废餐。唯一要拣嘅，咪汽水定啤酒啰，畀我见到佢哋系玻璃樽版本，一定系饮汽水，啲气「锯」好多～
影帝餐第一道系白酒忌廉煮花甲乌冬，花甲系啲肉系饱满到贴边而唔系空壳公司，抵食吖，同埋就算有忌廉汁系度都食得出只花甲嘅清甜。作为好酒之人我当然希望白酒味再浓啲，不过食得出白酒嘅香味已经好够。而忌廉就比平时食西餐嘅白酒忌廉黄身同多几份甜味，量多但唔系水汪汪，就算摊冻咗入口都唔会好腻。乌冬本来无太大期望，又估唔到佢食落够滑溜，口感唔会过松散或太结实，唔系我买开十蚊几包果种纯医肚Cheap货。
白酒忌廉煮花甲乌冬
36 浏览
0 赞好
0 留言
泰皇芝心虾丸就系成粒手榴弹咁嘅炸芝士虾丸，香脆嘅面包粒食落去无油膉味，里头包住嘅虾丸亦弹牙唔系一口面粉，而且仲有个一咬就爆嘅芝心，除咗要小心啲芝士系口里面爆出嚟，仲要注意唔好畀滚热辣嘅芝士颜射哦～
泰皇芝心虾丸
23 浏览
0 赞好
0 留言
泰皇芝心虾丸
21 浏览
0 赞好
0 留言
虽然佢系一碗蕃茄薯仔海鲜汤，但并唔系橙红色，呢碗汤都应该系我人生中最贵嘅蕃茄薯仔汤喇，佢系用咗濑尿虾同沙白去煮，真系一听就知佢鲜味。饮落就好老实，蕃茄味唔重，海鲜嘅咸鲜味比较明显，咁嚟得呢头食饭海鲜先系主角嘛。饮完汤梗要食埋汤渣，可以见到十只八只濑尿虾队落去煲，真材实料嫁﹗
蕃茄薯仔海鲜汤
19 浏览
0 赞好
0 留言
姜葱鲍鱼煲听个名好似晒咗只鲍鱼，不过佢地系用鲜鲍鱼而唔系干鲍，而鲜鲍味道其实几淡，配姜葱简简单单就相当好。呢个姜葱鲍鱼，爆香咗大量姜葱蒜，再加埋强劲嘅镬气，淡味都升级成惹味。而且鲍鱼够大只又够嚼头，真系唔会比干鲍输蚀。
姜葱鲍鱼煲
39 浏览
0 赞好
0 留言
蒜茸粉丝蒸元贝虽然屋企有时都会整，不过屋村街市仔要又大又靓嘅元贝唔容易，既然呢度有大只元贝，梗系唔可以错过。个元贝壳大过我只手，肉就有掌心咁大，咁大粒元贝真系可以话系肚满肠肥，食落啖啖肉又唔会黐壳，加埋蒜香粉丝真系无敌组合。
蒜茸粉丝蒸元贝
16 浏览
0 赞好
0 留言
呢度嘅招牌菜焗芝士龙虾呢个无理由唔食啦，我要了解吓咩叫做有芝士香无芝士臭嘅芝士。睇报导话用咗三种芝士，小弟不才唔会食唔到系边三只，不过有芝士无拉丝，应该都无水牛芝士。首先由个头开始食，啲芝士味确实香浓，同埋食落去面头微脆里面就似蛋糕咁软熟，几有趣而且我钟意。焗过嘅龙虾肉并无焗过龙，口感唔韧而且有肉汁，扯起成旧龙虾肉然后好似鸡髀咁一啖咬落去，真系好爽。食完终于明咩叫有香无臭嘅芝士，应该系指佢无芝士果种奶膻味－－虽则本人系连羊奶膻都唔怕。
焗芝士龙虾
16 浏览
0 赞好
0 留言
虽然食咗好多海鲜，但系见秋生哥食过盐油焗奄仔蟹，一场嚟到唔嗌又好似可惜咗啲。望住啲蟹黄漏出嚟咁款，梗系一啖啜落去阿黄度。阿黄同大闸蟹黄其实几相似，味道一样都系咸中带甜。呢只奄仔蟹嘅蟹肉明显比大闸蟹肉厚紥实，唔似大闸蟹食完个黄就无肉食，同埋唔使等咩九圆十尖一年一造咁凄凉，几时都有得食。
盐油焗奄仔蟹
14 浏览
0 赞好
0 留言
食海鲜，最紧要食得够鲜，有咩鲜得过系海边食先？再加埋有影帝加持，个朵够响嘢食够鲜，值得食啦。
张贴
