法國雪山咖啡 (已結業)

系百无了赖嘅星期六去左远离繁嚣嘅跑马地半山行吓。正因为隔涉先至可以喺呢度感受到平时冇嘅宁静同自在。行行吓竟然系一个转角位揾到一间人世西餐厅，出面写住主厨系法国人，一于试下啦！呢度嘅午餐人均200几蚊，系半山区算系可以接受嘅价钱。大多数顾客都著得好悠闲，应该系系呢度附近嘅居民。午餐配有机沙律或者汤，我选择咗前者，感觉比较轻盈。几满意呢个沙律因为沙律菜好新鲜。蓝莓粒粒都好饱满好甜美，无花果青青地，口感有趣。主菜方面，我拣左锡纸焗柠檬三文鱼柳。虽然比起友人拣嘅烧鹌鹑脾普通，但系味道有水准！七成熟嘅鱼柳口感细嫩唔会鞋口，鱼肉嘅肉质无流失，正！半碟嘅系薯仔同埋蕃茄。薯仔切成片，层与层之间放满忌廉，好Rich！蕃茄入面让左芝士同埋蒜蓉，美味满分。另加嘅甜品系皇帝批，批底松脆，杏仁味香浓。加埋一杯有水准嘅咖啡作结，十分满足。