辣媽川湘私房菜

营业中

休息中

一听到辣妈呢个名就知专食辣野，去开附近顺便去埋晚饭，7点入到去都差唔多坐满，认真多人！黎得辣妈当然要食返啲四川特色菜！酸菜桂花鱼 （例牌） $219呢度既酸菜鱼可以拣桂花鱼或者鲈鱼，我地拣左前者，鱼肉几滑，但有部分有骨，要小心啲食。例牌份量大约2人份，入面有酸菜、米粉、辣椒、芝麻等等。拣左bb辣，食落完全无辣味，岩哂bb level人士食。味道亦吾会好酸，不过个人觉得个汤比较多油。胶原脆皮猪手 $99见附近有好几枱都有叫，貌相都几吸引。猪手可以拣辣或者走辣，拎上手都几重手，孜然味几重，猪皮有少少脆口，咬落几多筋，胶原满满。蒜香炒茄子 $79同样可以拣辣或者吾辣，蒜香味好香好浓，除左茄子之外仲有少少西芹，𩠌饭一流，略嫌佢比较多油。水果茶 $46好多生果既一杯水果茶，有西瓜、苹果、火龙果、橙、蓝莓等等，食辣野配返一杯都吾错，不过叫左正常甜度，个人觉得都偏甜，建议大家落单时可以少甜。