影片
更多
2024-12-25
702 浏览
冬天都唔一定要打边炉，有时食吓辣蟹都正。喺尖沙咀有间食辣蟹几出名嘅，最重要系个辣蟹整得好食、大份、仲可以打卡😂 - 翠林辣蟹坊。一般嚟讲我哋食蟹，最怕系觉得蟹好贵，budget好难预。不过翠林辣蟹坊就有呢样嘢好，佢而家做紧指定辣蟹菜式半价，而且大量嘅小菜亦都一齐做半价。特价咗之后大量嘅小菜都只系几十蚊个 (优惠菜式每月更新)，我都开始懒得睇价钱😂。避风塘炒蟹 原价$688 特价$344用红木架奉上，非常得体。份量，一只，重量，一斤二两。劲？我唔识𠮶啲几多斤几多両，我净系知呢只蟹搞到我哋食唔晒😂。除咗佢嘅蟹够大只，亦都因为佢有一大盘椒盐做底。另外有样嘢要赞，佢嘅蟹系”扑”好晒，唔使由头用钳慢慢搞。黄金流沙虾球 $48/只我哋叫咗两只。其实一只已经非常大，要注意佢系已经拆晒壳，所以佢嘅咸蛋黄味道系直接入到虾球肉，而且唔使拆壳的确好方便。拍虾者芥兰 $88餐厅推介嘅菜式。老实讲，我唔系好识解拍虾点解，我当佢飞天芥兰咁食。首先距上菜系非常热辣辣，啲虾膏虾酱嘅味香到不得了。芥兰都煮到好腍，好容易食。食神炒饭 $188外型好似一条锦鲤嘅炒饭。用上蟹籽、虾仁、蜜糖豆，再用上两种唔同嘅米造成。食落非常
一般嚟讲我哋食蟹，最怕系觉得蟹好贵，budget好难预。不过翠林辣蟹坊就有呢样嘢好，佢而家做紧指定辣蟹菜式半价，而且大量嘅小菜亦都一齐做半价。特价咗之后大量嘅小菜都只系几十蚊个 (优惠菜式每月更新)，我都开始懒得睇价钱😂。
避风塘炒蟹 原价$688 特价$344
用红木架奉上，非常得体。份量，一只，重量，一斤二两。劲？我唔识𠮶啲几多斤几多両，我净系知呢只蟹搞到我哋食唔晒😂。除咗佢嘅蟹够大只，亦都因为佢有一大盘椒盐做底。另外有样嘢要赞，佢嘅蟹系”扑”好晒，唔使由头用钳慢慢搞。
黄金流沙虾球 $48/只
我哋叫咗两只。其实一只已经非常大，要注意佢系已经拆晒壳，所以佢嘅咸蛋黄味道系直接入到虾球肉，而且唔使拆壳的确好方便。
拍虾者芥兰 $88
餐厅推介嘅菜式。老实讲，我唔系好识解拍虾点解，我当佢飞天芥兰咁食。首先距上菜系非常热辣辣，啲虾膏虾酱嘅味香到不得了。芥兰都煮到好腍，好容易食。
食神炒饭 $188
外型好似一条锦鲤嘅炒饭。用上蟹籽、虾仁、蜜糖豆，再用上两种唔同嘅米造成。食落非常干爽冇乜油，口感丰富味道足够，最重要系够饱肚😂。
餐厅嘅菜式喺上菜时都系热辣辣，加上同样热辣辣嘅茶，喺冬天晚上咁样食，其实唔差过打边炉。难怪我哋食到七点几出边都开始排长龙，似乎订定枱比较稳阵啲。
张贴
