Itamama (荃新天地2)

营业中

休息中

今日过嚟睇戏，嚟早咗，所以系到食个早午饭，其实系迟咗一步，如果唔系，就赶得切食早餐。眼见佢哋嘅早餐都唔错。唯有下次。午餐餐牌大部份系意粉及饭，但当中竟然有款冇米饭，就叫嚟试吓。由于啱啱转午餐，员工忙于收拾早餐碗筷，所以由点餐至上菜都等了一段时间。三文鱼冇米饭先上，饭脚以为上错，以为真系饭而唔系椰菜花。试入口，其实都几唔错，三文鱼味，加上咬得到的蟹子，食起嚟都几丰富。但因为等埋饭脚嘅意粉先一齐食，所以等到冻哂，影响整体口感。白汁海鲜意粉够热，所以十分好食，味道恰到好，意粉又煮得有咬口。估唔到itamama追得上潮流，提供无米饭。希望餐厅可以留意上餐时间，免得热饭冷食。