影片
更多
2022-07-31
11700 浏览
主打一汁多菜日式家庭料理嘅「米気」长期超长人龙！今次专登早少少五点半前到访，唔洗排队 坐到寛敞嘅卡位之余，竟然仲有午市定食。午市定食包左米饭、主菜、冷盘、饮品，附送汤品及渍物，价钱由$68至80不等，亦可追加温菜同甜品。绝对比晚市单点抵食！不过就无咁多款式供选择~个人几钟意餐厅无硬性规定小菜嘅数量，各式冷盘热盘可以自由配搭，大胃王仲可以嗌多几款！不过其实价钱都唔平呢~ 菜式整体味道唔错，但有部分较为一般，胜在选择多。————————————————⠀🍴午市定食「米」+「主」+「冷」+「饮」(价钱视乎「主」)「主」🍷红洒汁煮牛肋条 $78牛肋条煮得软腍入味，部分位置更入口即化，可惜份量偏少，只有三四块~ 红萝卜都炆得好腍好入味。红酒汁浓稠，甜甜地，红酒香气恰到好处，仲有啲牛味添。个汁捞饭一流呀！🐣月见博多地鸡团子 $78鸡团子上面有只生蛋黄，卖相几靓仔呢~ 团子边边位微脆，当中混入鸡软骨增添口感。略嫌团子较实较散，欠缺肉汁。不过捞埋蛋黄会好少少，滑啲湿润啲。「冷」🌊帆立贝裙边海藻沙律帆立贝裙边唔会好韧，海藻爽口。整道沙律多汁带柚子香，小清
个人几钟意餐厅无硬性规定小菜嘅数量，各式冷盘热盘可以自由配搭，大胃王仲可以嗌多几款！不过其实价钱都唔平呢~ 菜式整体味道唔错，但有部分较为一般，胜在选择多。
————————————————⠀
🍴午市定食
「米」+「主」+「冷」+「饮」(价钱视乎「主」)
「主」
🍷红洒汁煮牛肋条 $78
牛肋条煮得软腍入味，部分位置更入口即化，可惜份量偏少，只有三四块~ 红萝卜都炆得好腍好入味。红酒汁浓稠，甜甜地，红酒香气恰到好处，仲有啲牛味添。个汁捞饭一流呀！
🐣月见博多地鸡团子 $78
鸡团子上面有只生蛋黄，卖相几靓仔呢~ 团子边边位微脆，当中混入鸡软骨增添口感。略嫌团子较实较散，欠缺肉汁。不过捞埋蛋黄会好少少，滑啲湿润啲。
「冷」
🌊帆立贝裙边海藻沙律
帆立贝裙边唔会好韧，海藻爽口。整道沙律多汁带柚子香，小清新 做前菜唔错~
🐙八爪鱼沙律
八瓜鱼唔会好韧，但未至于软弹。入口带芥末香，又唔会好辣。仲有啲番茄仔同青瓜，不过不失~
「温」
🦀忌廉蟹肉饼 +$18
外层酥脆唔油腻，忌廉稠滑creamy。味道唔错，不过就无乜蟹肉味
🍳茶碗蒸 +$18
口感滑嫩，有虾、鳗鱼等配料，正常发挥~
「米」
🍚酱油蛋 +$8
饭粒饱满，配上蛋味浓郁嘅蛋黄同唔会太咸嘅酱油，基本上系不败组合。虽然酱油唔够捞晒成碗饭，但变相可以捞鸡团子或者牛肋条嘅酱汁，两款汁都甜甜地几岩送饭。
「甜」
🍨米気雪糕 +$20
好得意嘅雪糕！质地稠滑偏黏带冰感，男朋友就话味道有啲似唔咸嘅旺旺雪饼x豆腐。雪糕面头仲有微咸嘅脆脆，增添层次感。意外地岩口味㖞！
张贴
