專業咖喱皇 (已結業)

睇完杂志介绍咖哩，突然又想食，其实佐敦都有好几间咖哩馆/屋，呢间杂志都有介绍过，决定入去试下。地方唔系靓，胜在光猛、干净，不过最唔好就系有人食烟。有好多款唔同特色的咖哩，但主角都不外乎猪牛羊鸡鱼等等，先问待应姐姐边样咖哩最辣，佢介绍印度皇咖哩。我就决定试下中辣印度皇干咖哩羊扒，咖哩汁先分开上的，咖哩汁系够辣，但系缺少了咖哩香味，而羊扒好肥，肥膏多过肉，羊膻味不太重。继而再叫大辣酸咖哩牛”月利”，其实味道唔酸，反而带点甜，牛”月利“切得好薄，两款咖哩汁比较，我o地都应为这只味道较好。两款咖哩可跟饭或二块薄饼，我拣晒薄饼，系由一个印度女仔即场整的，所以时间较耐，但上时系热到烫手的，点了咖哩汁好美味。另外再点了蒜蓉炒椰菜，出奇地好味，老公饮左个咖哩周打鱼汤，完全没有咖哩味，与一般的周打鱼汤有D分别，没有忌廉味但有好浓的云呢拿味，汤中仲有几旧鱼块，其实系雪藏炸鱼块，我仲以为系面包糠。总括来讲都食得过，不过之后都几口餲。