九園重慶小吃

营业中

休息中

喜歡吃重慶野食的老友，知道係寶琳站新都城中心，剛開左一間#九園重慶小吃， 喜歡嘗新的我哋梗係會過去開餐啦。餐廳地方不算大，主打重慶担担麵、酸辣粉、小食等等。小食要了青瓜及雲耳，食材新鮮，味道酸辣夠晒開胃。重慶擔擔麵，食材有花生、肉粒、香蔥、辣油及麻醬，跟軟硬適中的麵拌勻後食，味道香濃郁，嫩滑爽彈，簡單亦好吃😋。蕃茄丸子米線，丸子🍡爽彈，湯底的蕃茄味鮮甜，米線爽滑可口，湯都比我地飲晒☺️。紅燒牛肉湯麵🍜，牛肉煮得軟淋，肉味香濃入味，麵質煙韌有咬口，加上芫荽更香口。見有好多人都叫的大包，我哋都點黎品嘗下，分別是鮮肉包及黑芝麻包，鮮肉包肉鮮香，口感豐富，另外的芝麻包則比較甜，啱晒喜歡食甜的老友，2款都各有特色！豆漿及酸梅湯均甜度適中。