Odelice! (新城市廣場一期)

呢两年新城市广场6/7楼有好多新餐厅，但系新系咪一定好呢？ 新城市广场6楼嘅Odelice主打法式西餐，装条几光鲜，但系灯光方面有嘅尴尬，highkey不成，lowkey不就，一系就提升整体亮度，一系就整体暗少少。 试左个set for 2，收呢个价钱，整体黎讲只有个汤同面包合格。 🌕🌕🌕🌕🌑餐汤：唔记得系咩忌廉汤，系几好饮嘅 🌕🌕🌕🌕🌑小法包：配埋个牛油，呢个包都几好食 🌕🌕🌕🌑🌑香煎带子：外层唔够焦糖化，有雪味又出晒水咁（唔系多汁𠮶只） 🌕🌕🌕🌑🌑法国油封鸭腿：感觉似系罐头野，整返热再加个汁。露笋柴皮好多渣。 🌕🌕🌑🌑🌑红酒炖牛面颊：除左稔之外，完全唔入味，成旧野无乜味，茶餐厅牛腩饭啲牛腩仲好食过佢 🌕🌕🌕🌑🌑火焰橙酒可丽饼：我知橙酒系有少少苦，但系都真系唔系少少苦咁简单 摆盘系几靓，但系味道真系好普通。环境几干净，同埋食摆盘黎讲都ok嘅。