影片
更多
2024-08-15
77 浏览
我自己都几钟意去试唔同嘅居酒屋，觉得同朋友饮吓酒倾吓心事成件事好舒服，而居酒屋就有呢一个咁chill嘅气氛，又唔会话赶你走，可以慢慢坐慢慢食。而家贺屋啲刺身真系好唔错，识得出系真系好新鲜，下次再去应该会主打食刺身。‣ 特选海鲜丼定食 $368作为贪心嘅人嗌呢一个就真系完美，唔知有冇写漏，但应该有三文鱼、拖罗、赤身、鲷鱼、吞拿鱼蓉、海胆、三文鱼子、赤虾、赤贝、油甘鱼、鱿鱼同埋鲍鱼。每一件刺身食得出系真系超级新鲜，一啲都唔会腥，连最容易出事嘅海胆都相当甘甜。我自己最钟意佢嘅饭底系用赤醋，食落相当香，食完就觉得下次应该嗌多啲刺身。而呢个套餐仲有包面豉汤、沙律同日式炖蛋，茶碗蒸嘅蛋整得相当好，相当滑溜。‣ 青龙 $88我自己对于炸虾卷系有份执着，见到就会想嗌，而家贺屋嘅青龙都真系好啱我口味。炸虾炸到啱啱好，摆入口都唔会觉得好油腻，外层包住紫菜碎，加埋蟹子一齐食真系更添风味。而我几钟意佢有啲蛋黄酱系底，唔多唔少啱啱好，呢个点缀令到个青龙都冇咁寡。‣ 炸软壳蟹 $75佢嘅炸软壳蟹真系大大只，而且我觉得佢嘅清洁都做得好好，唔会咬到啲腮或者食落口觉得有啲苦涩味。如果担心唔够饱嘅话仲可以嗌佢嘅牛油果软壳
‣ 特选海鲜丼定食 $368
作为贪心嘅人嗌呢一个就真系完美，唔知有冇写漏，但应该有三文鱼、拖罗、赤身、鲷鱼、吞拿鱼蓉、海胆、三文鱼子、赤虾、赤贝、油甘鱼、鱿鱼同埋鲍鱼。每一件刺身食得出系真系超级新鲜，一啲都唔会腥，连最容易出事嘅海胆都相当甘甜。我自己最钟意佢嘅饭底系用赤醋，食落相当香，食完就觉得下次应该嗌多啲刺身。而呢个套餐仲有包面豉汤、沙律同日式炖蛋，茶碗蒸嘅蛋整得相当好，相当滑溜。
‣ 青龙 $88
我自己对于炸虾卷系有份执着，见到就会想嗌，而家贺屋嘅青龙都真系好啱我口味。炸虾炸到啱啱好，摆入口都唔会觉得好油腻，外层包住紫菜碎，加埋蟹子一齐食真系更添风味。而我几钟意佢有啲蛋黄酱系底，唔多唔少啱啱好，呢个点缀令到个青龙都冇咁寡。
‣ 炸软壳蟹 $75
佢嘅炸软壳蟹真系大大只，而且我觉得佢嘅清洁都做得好好，唔会咬到啲腮或者食落口觉得有啲苦涩味。如果担心唔够饱嘅话仲可以嗌佢嘅牛油果软壳蟹卷，见到隔离枱嗌都觉得好吸引。
‣ 芝麻鸡软骨 $58
作为一个好鬼钟意食鸡软骨嘅人，见到佢系「芝麻」，觉得几特别忍唔住嗌。老实讲芝麻味就唔算好重，但系个鸡软骨炸得相当好食，咁配角还配角，主角好食我就no say了。
‣ 西京平目鱼 $85
食放题嘅时候都好钟意嗌，但系系居酒屋食嘅时候，明显食得出个质素同放题好唔一样。鱼肉滑嫩得嚟，你系食得出鱼油嘅香，而且都真系大大份。当然仲有蛋黄酱喺隔离，搭配一齐食个味道又会唔一样，饮住酒食真系会食上瘾。
‣ 蜜桃碳酸酒 $45
呢个酒真系不得了，话到明系零糖零卡路里零脂肪，饮嘅时候觉得同平时饮嘅碳酸酒差唔多，你都饮得出系有甜味，但系个心入边即刻少好多罪恶感。酒味唔算太浓，几方便继杯，所以真系啱晒聚会谈心，有少少微醺之余，又唔会影响到你嘅表达能力，超级超级超级推荐呢一款酒。
张贴
