影片
更多
2023-06-11
1044 浏览
餐厅由AK、Jer同肥仔合资，门口放咗好多应援物。餐厅光线昏暗，座位宽敞舒适，以黑灰为主，充满格调。入座后店员会先送上每人一杯白鸡汤，味道浓郁，入口顺滑，好好饮🥰。一人串烧set ( $588)＊薯仔番薯豚沙律 🥗口感幼滑，值得一提嘅系薯仔沙律上面加咗鱼子，鲜味十足，层次丰富，非常特别。＊刺身拼盘 🐟有𫚕鱼、三文鱼腩，同埋赤虾。𫚕鱼口感扎实，鲜味突出，三文鱼同赤虾亦非常鲜甜。＊寿司拼盘 🍣包括有黑松露海胆寿司、帆立贝寿司、雪场蟹寿司同埋吞拿鱼寿司。帆立贝寿司大大粒，非常鲜甜，入口甘香; 黑松露海胆寿司都好足料，不过黑松露味稍为遮盖左海胆嘅鲜味，不过整体而言都唔错。＊串烧 🍢串烧系餐厅嘅黄牌！一人套餐包括有牛舌串、盐烧鸡翼、鸡颈串、青椒串同埋甘笋串。所有食物全部都系即叫即烧，上到枱全部都热辣辣同好香口。我最钟意牛舌烟韧爽口唔膻；鸡肉香口嫩滑，非常好食。 所以我叫多咗个芥末和牛串、鸡软骨串同埋烧蚝。 同样都系非常出色。＊盐烧金目鲷 🐠肉质鲜美，喺鱼身洒上海盐再炙烧，令到鱼嘅外皮香脆，但内质软嫩细滑👍🏻。＊大蚬味噌汤 🍲蚬同味噌嘅搭配恰到好处，浓度足够，但唔会太咸。＊甜品 🍡最后送上水信玄
餐厅光线昏暗，座位宽敞舒适，以黑灰为主，充满格调。入座后店员会先送上每人一杯白鸡汤，味道浓郁，入口顺滑，好好饮🥰。
一人串烧set ( $588)
＊薯仔番薯豚沙律 🥗
口感幼滑，值得一提嘅系薯仔沙律上面加咗鱼子，鲜味十足，层次丰富，非常特别。
＊刺身拼盘 🐟
有𫚕鱼、三文鱼腩，同埋赤虾。𫚕鱼口感扎实，鲜味突出，三文鱼同赤虾亦非常鲜甜。
＊寿司拼盘 🍣
包括有黑松露海胆寿司、帆立贝寿司、雪场蟹寿司同埋吞拿鱼寿司。帆立贝寿司大大粒，非常鲜甜，入口甘香; 黑松露海胆寿司都好足料，不过黑松露味稍为遮盖左海胆嘅鲜味，不过整体而言都唔错。
＊串烧 🍢
串烧系餐厅嘅黄牌！一人套餐包括有牛舌串、盐烧鸡翼、鸡颈串、青椒串同埋甘笋串。所有食物全部都系即叫即烧，上到枱全部都热辣辣同好香口。我最钟意牛舌烟韧爽口唔膻；鸡肉香口嫩滑，非常好食。 所以我叫多咗个芥末和牛串、鸡软骨串同埋烧蚝。 同样都系非常出色。
＊盐烧金目鲷 🐠
肉质鲜美，喺鱼身洒上海盐再炙烧，令到鱼嘅外皮香脆，但内质软嫩细滑👍🏻。
＊大蚬味噌汤 🍲
蚬同味噌嘅搭配恰到好处，浓度足够，但唔会太咸。
＊甜品 🍡
最后送上水信玄饼作为甜品。食嘅时候点啲黑糖蜜再搭配黄豆粉～有三重嘅口感享受，而且入口即溶，唔太甜，亦唔会腻，食完非常满足🤰🏻。
张贴
