龍亭

收工同朋友去佐敦夜缤纷，呢间餐厅系朋友介绍，个门口系转角位，一唔小心就会miss咗😂今餐叫咗个5道菜试一试。最先上台系个前菜，d菜就咗食会有d dry，加埋烟三文鱼食就啱啱好，而且三文好香烟熏味， 一齐食好夹。跟住就系海鲜，一共有4款，我就拣左鲍鱼同带子。鲍鱼食落好弹牙，唔会太老，重有d蒜香味。带子好香，加埋鱼子酱做调味咸咸地，连埋下面旧瓜食冇咁油腻。左上角就有个蝶豆花泡泡，店员介绍话可以带出d海鲜鲜味，但食落又好似冇乜太大分别。😂肉方面有鸡同猪拣，听到7道菜重有牛同羊，下次有机会再试试。鸡肉好嫩，鸡样好脆。个酱一入口个下辣辣哋，但d肉冇咁油。上面有几滴秘制牛油， 食落劲香牛味。铁板烧点可以冇炒饭呢，个炒饭好香而且粒粒分明，调味又啱啱好。甜品系紫薯雪糕，一入口劲香紫薯味，又唔会太甜，隔离重有几粒红豆珠，咬爆佢会食到红豆蓉，几过引。最后，同朋友一人叫咗枝sake同埋白饭鱼干同鸡泡鱼干，一边饮酒一边吹水。白饭鱼干出面餐厅比较少有，好香口好脆。鸡泡鱼干就甜甜地，加埋沙律酱一流。