Forkers

营业中

休息中

好少行到呢边食野，呢日拣咗一间闹市中嘅小餐馆，环境静静地，啱晒同闺蜜约会或者拍拖黎～👉🏽48个月手切风干伊比利亚黑毛猪火腿一入口瞬间感受到丰厚既油润感，咸香、甘香、脂香，味道层次好丰富。最特别既系，余韵中感受到坚果同埋橡果既香气👉🏽 法式海鲜浓汤外面有只香煎大虾好吸晴，饮落浓郁👍🏻，但又唔会好Creamy，比较流质啲、冇咁饱，可以留肚食主食。原来做法好讲究，将龙虾、虎虾、蟹🦀等海鲜炒香，再研磨成粉，加入甘笋、洋葱、茴香、西芹、蕃茄&蒜煮几个钟，上菜前，再加少少干邑白兰地！👉🏽 手制马里兰蟹饼呢个蟹饼我都几钟意❤️，一咬系一丝丝嘅蟹肉，够晒真材实料！👉🏽自家干式熟成45日美国 USDA Prime 肉眼扒肉眼扒店员推荐3成熟，我哋就照跟，中间食落去嘅时候仲好淋，保持到鲜嫩多汁，天然酵素令牛扒既油脂食落有Cheese嘅味道，好特别👉🏽龙虾千层面 配 6 安士波斯湾龙虾尾龙虾拆晒肉，啱晒我呢啲懒人啊🤭，6安士既龙虾果然超级大只，蟹肉咬落好有口感，唔会过韧亦唔会过淋，质感啱啱好🤪，加上芝士同埋香草焗到香喷喷。至于千层面系一层一层卷埋，弹牙嘅龙虾🦞肉同埋干葱蕃茄汁，都几得意😎。