廣麪子

营业中

休息中

今日我去咗间隐世老字号粉面店。首先介绍个原条切鱼片，一上枱已经见到鱼片色泽鲜明，张新鲜嘅鱼肉饺烂打碎，用咗简单嘅调味，制成鱼片之后拎去炸，保持咗鱼肉原本嘅鲜甜，入口弹牙，外皮香脆。🐟之后试咗个南乳猪手捞粗面，呢个系我嘅最爱。猪手煮到非常入味，南乳香味浓郁，每一啖都充满浓浓嘅南乳香味。猪手嘅皮同脂肪部分炆到非常软腍，肉质亦都唔会干柴。搭配粗面，啲面吸收咗猪手嘅汁，食起嚟口感丰富，系好满足。🍜再嚟就系鲜油奶多COMBO，跟餐饮品系冻柠茶。呢个combo系经典之选，香浓嘅奶多细细烘烤到金黄，牛油同炼奶完美融合，配埋冻柠茶，茶香清新解腻，柠檬嘅酸味同茶嘅香气相得益彰。🥪🍋最后介绍个浄切腩四宝，有切腩、牛丸、墨丸同鱼片。每样都系严选食材制作，切腩肥瘦适中，煮得软腍入味，口感丰富。牛丸弹牙，肉味浓郁。墨丸细致弹牙，咬落仲有少少墨鱼粒。