容龍海鮮酒家

营业中

休息中

我谂一讲起三圣，大家一定会谂起容龙几年前朋友带我食过容龙，𠮶阵时记得系要成个月前订位既，仲记得𠮶时每一样𩠌都觉得超高水准，加工处理方面做得好好，所以今次就谂住同外母大人过嚟庆祝生日首先我哋一行五人，去咗屯门三圣𠮶度拣海鲜，𠮶日系平日所以都唔算好多人，咁买完之后嗱嗱声就拎去容龙比佢哋搞叫左以下呢几样𩠌，五个人食🟡豉椒炒蛏子（米粉底）今日啲蛏子好大只，火候控制得唔错好爽口弹牙，米粉底更加要赞，索晒啲汁搞到妹仔仲好食过主人🟡避风塘鲍鱼鲍鱼冇问题，但估唔到佢整得咁差，出面个粉好似冧晒咁样🟡椒盐鲜鱿鱿鱼唔系自己买，喺𠮶度现场叫，但系上菜第一啖食落去，真系吓死人，𠮶粉又系好冧好湿咁样，估唔到一个咁简单嘅椒盐鲜鱿可以整到咁难食🟡椒盐赖尿虾呢个就正正常常冇咩特别🟡芝士焗龙虾我谂以前有食过嘅人都知，呢个系容龙其中一个招牌菜，但今次个芝士皮焗到超硬，食落去第一下系直头会刮损上颚完全唔明白点解会退步咗咁多🟡油盐水蝴蝶蚌呢个处理冇咩功夫可言，都系普普通通🟡椰皇炖蛋白坐低𠮶阵时已经问要唔要预留甜品，因为呢个真系成日都会卖晒，呢个就真系要赞，保持一贯嘅水准，蛋白十分之嫩滑🟡生菜煲有少少偏咸🟡油盐焗奄仔蟹食到呢个都