Cocolo Tokyo Cake Factory (形點 I) (已結業)

食完个Brunch时间尚早，就行下街消化下，行行下闻到好香，原来呢度都有间专卖青森苹果批。好耐之前经过湾仔分店，呢度比湾仔分店大一倍有多，和风cafe设计，坐位阔落，堂食都坐得舒服。呢度有最出名既青森苹果批，蛋糕甜品之外，仲新出左咸批，有芝士火腿酥，菠菜酥（素菜），行到攰可以坐低食个下午茶饮杯咖啡或者日本直送既果汁碳酸饮料。睇住佢个青森苹果批刚刚新鲜热辣出炉，我就叫左一个，再加多个日本Tiramisu蛋糕，青森苹果批-黎自日本既人手制作青森苹果批，即场烤焗，望落一层层，好似酥皮咁松脆既批面，青森苹果切到细细粒，清甜爽口，再加吉士奶油。我雪冻左黎食，都一样好味。日本Tiramisu蛋糕-望落只系一件普通既三层三角件装蛋糕，不过队友话想食Tiramisu，所以就买左件返屋企食，估唔到又好味几惊喜，蛋糕同忌廉好香好滑，香味久久不散。