小王牛肉麵 (已結業)

少有来到青衣食饭，今次选了这间牛肉面，咁大只字写住牛肉面当然要叫个牛“筋”面啦食面前当然要先试汤底如何，唔差，味浓，有点药材味，心想牛肉一定都唔差啦，点知牛肉同牛筋和汤底相反，味淡，牛筋难入味都算，牛肉一样无咩味，可惜。而个面的面质麻麻，整体感觉好似喧宾夺主咁。普通。必叫的小黄鱼十分好食，皮脆肉滑，唔好睇佢好似斋炸咁㖞，椒盐味全在鱼皮中，一钻。炒饭带辣，虽然小弟唔食辣都食了好几口，十分香口，辣度刚刚好，份量够，唔差。因为炒饭食唔晒打包加一元，两个人二百五是正常价，可惜是牛肉面铺唔系牛肉面最好食，整体食物味重（除了牛肉，筋），份量够，舒适，价钱正常，如果牛肉面可以改善，绝对会翻食。