辣媽川湘私房菜

营业中

休息中

今次就一家大细来试试川菜 其实疫情时都食过佢既外卖 试过佢既酸菜鱼 性价平很高 酸辣度恰到好处 鱼既份量多 好足料！今次一于去试试午市 选择多样 有饭类粉类水煮牛都有一人餐 有麻辣酸辣粉可以自选配料仲可以跟餐饮 价钱都系60至70蚊 钟意食辣既不妨试试点左口水鸡饭，手撕鸡捞面，鸭血+牛栢叶酸辣红薯粉，水煮牛配饭同埋胶原脆皮猪手。口水鸡卖相吸引，有跟汤，饭同埋，鸡尚算嫩滑。手撕鸡捞面有d似炸酱捞面，配鸡胸丝，不过不失。酸辣粉系我最爱，鸭血好嫩滑，唔系感觉好假好削个d,牛栢叶切到好幼，好爽口，仲有酸豆角，芫荽，木耳，葱花，bb辣刚刚好，愈食愈开胃，但唯一失色系个红署粉系幼身既，质感比较林，粗既会更加完美，下次会试下米线或者手工面。水煮牛份量十足，口感ok，记得衬热食，一凉左d牛就开始韧，配料有芽菜娃娃菜，满满一碗，另配白饭，够晒饱。脆皮猪手真系有惊喜，新鲜出炉，个皮脆卜卜，好入味，咸咸脆脆，食肉兽必试！餐厅够晒大，weekend lunch hour都唔洗等。