Amitie Kitchen

营业中

休息中

今日专登去尖沙咀H8揾嘢食，见到水牌有间西餐厅，就想去试吓。餐厅灯光暗暗地，好有浪漫情调。我哋两个人总共order左一份晚餐，一份full set 晚餐包括一份主菜、餐饮、前菜、餐汤。再加一个main course. Share来食。点完菜，先来一盘面包，有3款唔同口味嘅面包。餐汤系红汤，感觉似萝宋汤或牛尾汤之类，但系佢比一般萝宋汤浓一d，似系加左cream嘅质感，味道好好，唔会太咸，汤入边仲有牛腩粒，牛腩粒好软滑，好好味。呢个汤真系好值得推介。前菜我拣左巴拿马火腿沙律，混合左多款沙律菜，好新鲜，巴拿马火腿好香、好好味。主菜我拣咗带子海鲜烩饭。带子好大粒，烩饭用嘅汁充满海鲜嘅鲜味，好新鲜嘅感觉，饭嘅质感软硬度适中，非常好味，极力推介。另一款主菜单点，我拣咗黑毛猪汉堡配炸番薯条，意料之外咁好食，厚切猪柳夹喺汉堡中间，猪柳嘅质感好滑好Juicy, 调味好好好，感觉有少少胡椒味；炸蕃薯条外脆内软，唔会炸到硬晒干晒，呢味菜式我都非常推介。总结呢度非常值得再来光顾，尤其系拍拖情侣或庆祝浪漫节日。