韓Cook (已結業)

近来先开始对韩国菜有点认识，当然要嚟呢条韩国街探索下，出开尖沙咀就过下嚟，得闲就试一间。见到餐牌有"迷你辣海鲜汤面+迷你炸酱面", 一次满足两个愿望，就入去试下。坐底就有泡菜大豆芽薯仔三款前菜，炸酱面个酱偏甜，有少少肉，面量适中，偏淋身，唔弹牙，冇麦味。而辣海鲜汤个汤底反而有惊喜，闻得出真系用虾蟹蚬煮出嚟，香辣味足，汤料有一只虾同有半只蟹身，蟹肉出奇地鲜甜，蟹味被香辣味带出来，系好食嘅，面就同炸酱面同一只。一直以为韩国面都系果种重麦味弹牙弹到好似弹弓果款，呢度唔系用果只，口味每个人不同，我就觉得果只面夹呢碗海鲜汤会更好食嘞。下次同更多朋友来会试其他菜色，今次食住少少野先。