星星 Pho Cha

营业中

休息中

近年见到或听到「星星」呢两只字，九成九人都会谂起果套hit爆全亚洲嘅韩剧，所以呢间位于佐敦嘅韩国餐厅亦打正旗号用呢个term作为舖名，易记又直接！餐厅走时尚型格路线，虽然舖仔细细，不过装潢令人睇落好舒服，而且墙上贴咗唔少韩星相，当然唔少得都教授啦！韩迷嚟到未食都会好兴奋，场内亦有唔少星星形状嘅摆设作呼应，整体上令食客有置身韩国当地餐厅嘅感觉。菜式方面，一系列传统大热韩菜都食得多，今晚我就同朋友order咗星星拼份炸鸡、韩式猪手同酱油蟹。现场所见，星星拼份炸鸡几乎系每枱都叫嘅美食，可能大家都想应下景、过下电视剧主角瘾啦！有豉汁味同香辣味，份量充足，两个人share就最好，难得入口鸡皮香脆而不厚粉，炸得香而唔系太油，鸡件都几嫩滑，个辣酱仲好juicy添！而韩式猪手亦系韩国人常吃嘅道地美食，充满骨胶原，美容功效受到韩妹仔热捧~呢度嘅猪手整得好入味，表面铺满芝麻香，咬落去弹牙有口感，一件一件送入去，好快就扫晒~至于提到酱油蟹，好多人认为得个「咸」字，而呢度嘅酱油蟹食落就比较有层次，蟹盖如手掌般大，蟹肉软糯鲜甜，最重要系无腥味，相信同来货新鲜有关，建议将深啡色嘅酱油混入蟹膏一齐送入口，既丰腴又提