路易奇電力公司

营业中

休息中

路易奇电力公司服务同环境都几好，全程都唔使自己烧肉，好有去旅行嘅感觉。⭐️极生牛肉佐帕玛森起司 牛肉他他够新鲜，同Parmesan Cheese一齐食，再加上少少鱼子酱，Cheese同鱼子酱嘅咸香提升咗牛肉嘅味道，作为开胃菜啱啱好。⭐️美国牛舌厚切 牛舌厚切烧到外脆内嫩，每一啖都充满肉汁，配上青柠或者自家制嘅姜葱酱，一道菜食到两种唔同嘅味道。⭐️美国酱溃封门柳 封门柳本身肉味就比较浓，加上餐厅提前用特制嘅酱汁调味，味道非常浓郁，最啱食完蔬菜之后食。⭐️日本A5和牛莎朗 日本A5和牛莎朗系极厚切，和牛油花分布均匀，烤完之后入口即溶。因为和牛嘅油脂感比较重，个人建议配柚子酱油或者黑松露酱食会冇咁腻。⭐️本日蔬菜 几款蔬菜入面最钟意山药，烤完之后会有拉丝嘅效果，但系外层爽脆，加上明太子酱，微微咸又唔会抢咗山药本身嘅清爽感。⭐️真理丼一个用和牛他他做base嘅丼饭，入面仲有海胆丶黑松露丶鱼子酱同生蛋黄，卖相精致，Mix嚟食之后好惹味。⭐️甜品甜品系豆乳雪糕，作为豆制品爱好者超级推荐，豆味香浓而且几自然，两三啖就食完个雪糕lu。