黑門水產すいさん (棉登徑)

营业中

休息中

今晚又同hubby去拍拖食好西，拣左尖沙咀既黑门水产，6:00入去嘅时候冇乜人，不过好快就已经坐满了。叫咗个三文鱼牛油炒杂菇（ $58 ），牛油味香，有三文鱼肉碎在当中，整体份量都唔少。味增煮牛肋骨（ $88 ），啲牛好腍，有七至八旧，萝卜又好入味，值得一试。我仲听咗个朋友教我点鳕鱼白子，其实我完全唔知系乜，嚟到嘅时候有两旧白雪雪嘅嘢用冰震住，食落滑嘟嘟，食完先上网Google一下究竟系乜，原来系鳕鱼精囊，仲话好补身.....忘记呢啲食返啲正常嘢，叫咗个北海道海鲜丼（$158 ），我觉得呢个相当之抵，鱼生各两片，包括：三文鱼、吞拿鱼、池鱼、油甘鱼、带子、玉子、海胆、鱼子和蟹籽各一堆，熟虾和甜虾各一只，刺身新鲜唔洗讲，啲饭系加左味素但唔会太咸，呢个性价比好高，正！还有我最钟意的Sukiyaki寿喜牛肉锅（ $128 ）当然要追加个乌冬（加$35 ），估唔到个乌冬咁滑，牛肉有三大块，不过我哋似乎煮得太耐，韧咗少少，另外仲有好多配菜，个豆腐又系好滑，正呀！