黑門水產すいさん (棉登徑)

营业中

休息中

呢间餐厅之前黎过一次，觉得好好食所以今日再黎，依然无令我失望~ 首先推介既系海胆蟹味噌甲罗烧，佢一开始会俾你影相先，见到啲海胆蟹肉蟹糕已经好想食。然后侍应姐姐会喺你面前开个炉烧，不过唔只呢个，系每一样如果要烧既野佢地都会摆得好靓俾你影左相先，之后再喺你面前烧。望住啲野食慢慢变熟同埋啲香味飘出黎，呢个过程好令人愉悦~ 至于个甲罗烧真系好好食，连埋块饼一齐放入口，真系一个极大既享受!之后要推介呢个黑门令大渔鱼子酱脆脆包, 呢个真系好好味，个包劲脆，而上面既料系会多到跌出黎，而且所有野既味都好夹，如果未饱呢个系会想encore~跟住到个蜜糖芥末火灸安格斯牛肉沙律，呢个有啲惊喜系佢真系配合番水产既特色，喺呢个牛肉沙律入面仲会揾到一粒粒既飞鱼子同三文鱼片。你会食到蜜糖芥末既香同埋佢又有少少酸，好fresh好开胃。呢个黑门令龙虾汤煮海鲜都劲好味，佢个龙虾汤好正，啲海鲜一路烧既时候吸哂个汤既香味，但同时啲海鲜既鲜味又入番个汤入面互相交融，我同朋友唔止食哂啲海鲜，连个汤都饮埋。我觉得呢度每一样食物都好有heart，除左摆盘靓，所有野都好切合餐厅个主题，用料好新鲜，当然最紧要系真系好好味~