韓國錦城飯店 (已結業)

呢间餐厅位于尖沙咀the hart，价钱唔算平，我对佢嘅食物同服务都有期望，就系因为有期望，搅到好失望...叫咗两碟菜，牛肉(自己烤)同埋海鲜饼。牛肉味道同出面嘅其他百几二百蚊任食韩式烧烤嘅牛肉质素差唔多，但会新鲜少少。海鲜饼，份量够大，但因为料唔多，中间无煎到金黄色嘅位同食粉酱差唔多。八小碟无边一味比较好食，比较唔好食嘅有豆卜、有一长方形啫喱状嘅嘢服务方面，真系经典....落单，侍应全程无笑容无出声，听完就走咗出去，全程无眼神接触。上菜，因为朋友阻住咗少少上菜位，侍应拍打朋友坐椅，然后强行推开朋友坐紧嘅凳，再摄入去。而唔系开口提示让位。收碟，食咗半个钟，就有人入嚟问你食完未，拿拿临收晒你D碟，想坐多阵都唔得。斟茶，唔会自动自觉加茶，要开口叫先加。埋单，唔会同你讲多谢，都系无笑容兼黑面。我俾多十几蚊去食韩阳苑任食好过喺呢度食。