黑門水產すいさん (Fashion Walk)

营业中

休息中

同朋友喺铜锣湾附近行完街，见到呢间装修好有日式嘅餐厅入咗去食。平时好惊啲餐厅入面多人嘅话会好嘈，呢度啲枱之间嘅距离都算多，唔会听到隔篱枱倾偈讲啲咩，亦都唔需要好大声咁讲嘢。坐得好舒服。问店员佢推介啲咩，佢介绍咗我哋食甲罗烧，系佢哋嘅招牌菜。跟住我哋仲叫咗个三文鱼加州卷，牛肉金菇卷，腩肉车厘茄卷，同埋烧银鳕鱼。为返就两百几蚊一个人。 加州三文鱼，里面有啲牛油果，面头有好多蟹籽，仲有三文鱼子，味道好丰富！ 唔会错嘅选择！牛肉金菇卷，调味唔会好咸，我好惊出面食串烧，师傅会落劲多调味。呢个啱啱好。 同埋整到个大细系 bite size , 唔会食得好le hea.腩肉车厘卷，系我平时食串烧嘅至爱底，青卷多汁少少酸，中和番腩肉嘅油腻感，一啖咬落去爆汁。好食。最后去到银鳕鱼，都系烧得皮脆，肉质好嫩滑，一夹落去，啲汁就开始流出出嚟。