影片
更多
2009-12-09
175 浏览
小学同学兼死党生日，佢喜欢吃日本菜，决定去试呢间位于尖咀诺士佛台嘅日本料理 -- 一游，另有间姐妹店位于铜锣湾 -- 一门。虽然位处商业大厦楼上，但招牌一眼可见，非常易找。上到去门口，冇人企喺接待处，等了一会，见一年轻女侍应出嚟迎接我地，但原来佢唔可以带位，结果又要花少少时间再揾另一个侍应带我地，感觉有点奇怪。还有，因为有做串烧嘅open kitchen，但亦有理由任由啲烟在餐厅里四处散，有点似火烛情景，环境可想而知，应该建议佢地换过强力抽由烟机嘛........入座之后，侍应端上餐牌，但之后就冇理会我地，问可否给两杯茶，侍应竟介绍餐牌内的中国茶，每壶$28，日本料理用中国茶，真系咁fusion??? 在问有冇免费供应嘅茶，佢话只有水 (比客人感觉好似局你要比钱饮茶咁)，冇紧要，但女侍应接了order后迟迟都未拎杯水嚟，唯有再叫另一个男侍应才可以要到两小杯暖水。落单时，这位女侍应又在不适当时候提供过份详细嘅意见，阻碍我地三个人嘅讨论，之后我地已经点了颇多道菜之时，但佢似仍想推介其他今晚我地冇叫嘅菜式，比你感觉hard sell得很，一个字 - "烦"。中途亦见隔离枱在投诉食方面，不过
上到去门口，冇人企喺接待处，等了一会，见一年轻女侍应出嚟迎接我地，但原来佢唔可以带位，结果又要花少少时间再揾另一个侍应带我地，感觉有点奇怪。还有，因为有做串烧嘅open kitchen，但亦有理由任由啲烟在餐厅里四处散，有点似火烛情景，环境可想而知，应该建议佢地换过强力抽由烟机嘛........
入座之后，侍应端上餐牌，但之后就冇理会我地，问可否给两杯茶，侍应竟介绍餐牌内的中国茶，每壶$28，日本料理用中国茶，真系咁fusion??? 在问有冇免费供应嘅茶，佢话只有水 (比客人感觉好似局你要比钱饮茶咁)，冇紧要，但女侍应接了order后迟迟都未拎杯水嚟，唯有再叫另一个男侍应才可以要到两小杯暖水。
落单时，这位女侍应又在不适当时候提供过份详细嘅意见，阻碍我地三个人嘅讨论，之后我地已经点了颇多道菜之时，但佢似仍想推介其他今晚我地冇叫嘅菜式，比你感觉hard sell得很，一个字 - "烦"。
中途亦见隔离枱在投诉食方面，不过侍应答法生硬，不但唔可以息客人之怒，亦导致情况更加严重，态度有待改善。
食物方面：
1. 辛丹波 Karatanba (Dry Sake) 300ml $85 - 虽写明系Dry，但一啲都唔dry，除此之外，算中规中矩。
2. 海鲜沙律 $78 - 鱼生种类多，切成条状，唔会太大块，非常新鲜 ; 蔬菜切得大块，多水爽脆 ; 最特别可算系佢带有少酸的沙律汁，非常醒胃，上面再洒有几粒芝麻，带有几分香味，用这个方法制作的日式沙律，绝也。
3. 香葱吞拿鱼卷 $160 - 吞拿鱼几生鲜，但唔肥，油脂的甘香味不强烈 ; 饭粒烟韧，仲洒有葱粒、洋葱粒，不过发辉唔到佢地嘅功效似的，而且将碎鱼肉舖上面，不方便夹起，食得比较狼狈。
4. 蟹肉厚玉子 $48 - 喺佢地嘅姐妹店都食过同类的，不过冇蟹肉，今次厚烧的蛋仍然保持湿度同软滑，加埋蟹肉嘅鲜甜味混和蛋香，再有带酱汁的萝卜蓉伴吃，绝配。
5. 烧牛舌 $45/串 - 切得太薄，腌制时间唔够，甚至可能冇腌过，但系调味又不足，虽然肉里仍然湿润，但表面烧得唔够脆，所以香味欠奉。
6. 串烧和牛串 $48/串 - 又硬又韧，虽然已经烧到medium，但系仍然可以做到咁嘅口感，如果系一级和牛，就算well done都仍好吃的，所以觉得肉质应属劣等，败笔之作。
7. 盐烧活鳗 $48/串 - 亦都系错在食材方面，活鳗表面层皮唔够肥，又烧得唔够脆，唔够油脂又何来香口可言呢?
8. 豚肉金菇串 $18/串 - 算中规中矩的串烧，可能系有酱汁嘅关系，而且系用薄切豚肉，口感差极有限，但如果可以用上牛肉配金菇，相信效果会更好。
9. 烧鸡皮虾 $45/串 - 全晚最佳串烧非呢串莫属，最特别系厨子谂到用上鸡皮卷在虾身表面来烧，不单止喺烧嘅过程，鸡油可以令到虾身更香口，而且仲可以形成保护作用，虾用不会被烧干 ; 鸡皮烧哂鸡油出来后，变得脆脆的，不会太肥腻 ; 虾肉又厚肉又爽，一场嚟到又点可以唔试吓佢呀。
10. 玉子鳗鱼石头饭 $68 - 变咗韩国菜咁，不过点都好，石头饭上枱后，侍应主动帮忙将生鸡蛋捞入饭中，鳗鱼又肥又厚肉，半生熟嘅蛋混合埋啲饭好食到不得了，做得唔错。
Comments: 态度服务方面有很大进步空间，只系得味道系留唔住客人的心，虽知道这里消费唔算平，不是街头小吃，服务水平同样重要。
张贴
