翠林辣蟹舫

今日同朋友一行二人，心思思想食蟹，就来左依间。楼面清洁简单，差唔多满座，见到个个都有嗌桥底辣蟹。另外我地发现，竟然有个半价餐牌，超正，有成60-70款食物，连避风塘辣蟹都有半价！我哋叫咗四样嘅菜式。花胶鸡肉炒芽菜，避风塘辣蟹，老板推介黄金炸蟹球配沙律，酸菜石斑。1. 花胶鸡肉炒芽菜，够镬气，清清地都ok2. 避风塘辣蟹，蟹系中size, 好新鲜，外面脆，入面多汁啲炸蒜粒都揸得好好味，唯独如果可以咸少少会更好，半价后三百几蚊我觉得好抵。下次想试吓胡椒蟹😍3. 酸菜鱼-啲石斑好新鲜，冇骨，酸菜鱼嘅味道好浓，够酸同辣，开胃好味！如果可以加多啲四川风味就更好啦。4. 流沙黄金炸蟹球-听个名好似好普通咁，但系一上到黎嘅时候，我哋都好惊讶佢个虾球好大粒，超大粒，外边系炸蛋黄酱，入边系好弹牙有新鲜嘅大大虾球！钟意佢配埋沙律，食到油腻嘅时候食一啖沙律中和下味道，推介！仲有阿姨推介$48烧乳鸽，但系真系太饱啦食唔晒。