喜記避風塘炒辣蟹 (謝斐道)

营业中

休息中

今日有朋友系外国来香港，话好想食香港海鲜，但由于佢安排嘅行程太紧密，所以都想留喺市区食，所以我一谂就谂到湾仔呢间喜记避风塘炒辣蟹，呢间系元祖老店，就系湾仔谢斐道好方便。一进店好多人，好彩一早订咗位。我地叫左豪华4人套餐，价钱都系$2088，食到咁多汁嘅海鲜，其实都好抵食，平均一个人$500 ，喺香港而家真系食餐好啲嘅都要啦，呢度仲有蟹、濑尿虾、鲍鱼，咁多海鲜！朋友第一次食濑尿虾，所以揾到一啲超大只嘅濑尿虾食，佢哋成个感觉就会觉得食得容易啲，而呢度每一次食濑尿虾都真系手臂咁长，连濑尿虾都可以啖啖肉咁食，真系正到晕！醉鲍鱼超大只之余，腌制得刚刚好，朋友第一次食酒腌制过嘅海鲜，觉得好特别！脆皮BB乳鸽佢都话外皮超脆，肉质鲜嫩，系佢食过最好食嘅！不过主角就梗系炒蟹啦，一上枱大家都wow咗一声，佢用劲多蒜蓉去炒，劲香口，啲蟹又劲大只，超鲜甜！