影片
更多
2023-05-07
41 浏览
食Omakase 除咗交俾师傅发办，等佢安排时令食材之外，仲enjoy睇住佢哋专心咁整嘢食，每道菜上菜前介绍日本时令或烹调方法，甚至乎倾下偈讲下酒，more than a meal。一绪一番，就尽力带到呢份感觉俾食客。餐厅位处士丹利街嘅大厦26楼，落地大玻璃，采光度十足。电梯一开门就系餐厅，中间位置系U型枱，三边嘅食客都睇到师傅手势。晚市分2set Omakase，另外可以添加单点item。➤前菜3款 红酒渍蕃茄 甜甜酸酸，略带葡萄酒味，好醒胃。另外蟹膏蒸蛋，望落平平无奇，其实好浓蟹味，好滑溜。➤生蚝岩手县•令和の怪物，味道鲜甜肉质厚身爽口，加上柚子啫喱，中和返本身嘅海水味。➤刺身四点全部都系日本直送，分别有帆立贝 牡丹虾 真鲷 间八，帆立贝劲厚身，好鲜甜，牡丹虾好柔嫩，真鲷味淡但肉质有弹性，间八为四种中最肥美嘅，口感好清脆，加上系腩位爽口。➤烟熏拖罗拖罗轻轻加调味熟成过，口感较硬身，师傅将佢烟熏过，鱼身好香烟熏味，比起普通拖罗加埋鱼子多咗层次，而且摆盘好靓，打开盖就有烟。➤寿司金目鲷 羽太 银鳕鱼 蜜柑鲷 大拖罗 脑天 海胆 师傅手势好好，醋饭味道好平衡，唔会死实实或者太松散。金目
餐厅位处士丹利街嘅大厦26楼，落地大玻璃，采光度十足。电梯一开门就系餐厅，中间位置系U型枱，三边嘅食客都睇到师傅手势。
晚市分2set Omakase，另外可以添加单点item。
➤前菜3款
红酒渍蕃茄 甜甜酸酸，略带葡萄酒味，好醒胃。另外蟹膏蒸蛋，望落平平无奇，其实好浓蟹味，好滑溜。
➤生蚝
岩手县•令和の怪物，味道鲜甜肉质厚身爽口，加上柚子啫喱，中和返本身嘅海水味。
➤刺身四点
全部都系日本直送，分别有帆立贝 牡丹虾 真鲷 间八，帆立贝劲厚身，好鲜甜，牡丹虾好柔嫩，真鲷味淡但肉质有弹性，间八为四种中最肥美嘅，口感好清脆，加上系腩位爽口。
➤烟熏拖罗
拖罗轻轻加调味熟成过，口感较硬身，师傅将佢烟熏过，鱼身好香烟熏味，比起普通拖罗加埋鱼子多咗层次，而且摆盘好靓，打开盖就有烟。
➤寿司
金目鲷 羽太 银鳕鱼 蜜柑鲷 大拖罗 脑天 海胆
师傅手势好好，醋饭味道好平衡，唔会死实实或者太松散。金目鲷都几特别，师傅特登将鱼鳞炸咗放咗喺面，令寿司有一种脆卜卜嘅感觉。
羽太即日本石斑，日本人钟意嘅鱼之一，烟韧得来有啲爽口。另外银鳕鱼烧过，超香油脂爆晒出嚟。
脑天，系吞拿鱼天灵盖，一条鱼得两块超级罕有。师傅话肥美过大拖罗，筋少油脂多，灸烧后入口即溶鱼味仲好浓。
海胆，睇返相已经想再食！视乎非常慷慨，总数有三层四层海胆，海胆都差啲跌晒出嚟，鲜甜新鲜。
➤串烧6串
同朋友嗌咗唔同嘅餐，同师傅讲想试多啲嘢，有惊喜！
烧海老 牛舌芯 海鳝 和牛 鸡脚筋 鸡掌芯 鸡皮虾卷 秋葵 洋葱仔
鸡脚筋超爽口，脆卜卜。另外鸡掌芯，厚肉得来有咬口，两个超刁钻嘅部位冇谂过Omakase会有。另外海老非常新鲜好爽口，火候啱啱好，唔会过熟 。
➤汤 ➤甜品
初初以为唔会好饱，其实食实成个Menu后，非常满足。整体每个item都好平均，串烧表现更加突出。见舖头间唔时有wine pairing，钟意研究sake 嘅朋友，book mark佢！
张贴
