金子半之助 (東薈城名店倉)

营业中

休息中

今日去左东涌行outlet, 到差唔多8点半就去食朋友介绍既呢间天妇罗。去到前面都有3-4枱等紧，但系可能已经过左晚饭时间，好快就入到座。餐牌选择不多，只有3款，另外有一款系细天丼加乌冬既set我就拣左有穴子既丼，穴子即系星鳗。黎到个set有面豉汤同渍物(柚子酸萝卜+酸姜), 个柚子萝卜好好食😋个份量其实唔算好大，但啲天妇罗铺满左个饭，卖相唔错。黎到侍应教个饭食到一半，可以笃开个流心蛋，将蛋汁同饭拌匀。另外仲有渍物同黑豆茶可以解腻。食到好饱好满足，个天妇罗汁好好味，只温泉蛋亦都生熟刚好，不会太生，同剩低既半碗饭拌匀刚刚好！对于有选择困难症既朋友非常合适，因为只有3款选择，亦都因为款式不多，先可以将每款食物都制作到最好。