里木

营业中

休息中

昨日同老友一齐去咗呢间高级日本料理店，果然名不虚传。我哋试咗海胆主题嘅料理，每一道都令人印象深刻。第一道料理上枱嘅系壳付原只海胆。打开海胆壳，入面嘅海胆肉呈现出靓嘅金黄色，睇落去新鲜饱满，带有浓郁嘅海味，略带咸甜，口感如同雪糕般顺滑。炭烧帆立贝海胆漠堡都好好味，帆立贝表面微微焦香，咬落去𠮶阵能感受到明显嘅弹牙感。海胆酱汁为帆立贝提升咗唔少嘅新鲜感同口感，甜咸适中，完美配合帆立贝嘅鲜甜味道。松叶蟹鸡汤配海胆呢道创意嘅料理令人惊喜，汤底清澈但唔失浓郁，汤嘅鲜美同松叶蟹嘅甘甜完美配合咗海胆嘅味道，增添咗一丝奢华感。海胆配煮鲍鱼寿司系一道有趣嘅组合，鲍鱼煮得啱啱好，保留咗适度嘅嚼劲。海胆嘅圆滑同鲍鱼嘅韧性形成唔同嘅口感，两种唔同嘅海鲜味喺口中混合埋一齐，好有创意。北海道牡丹虾配海胆呢道菜展现咗食材嘅本真味道，牡丹虾嘅虾膏非常多，同海胆一齐食，两种食材相辅相成，各自嘅特点都得到充分发挥。最后嘅岩手县石垣贝寿司为整顿饭画上咗完美嘅句号。石垣贝肉质紧实，带有轻微嘅嚼劲，口感清爽，算得上系非常好食嘅寿司。