瀛燒居酒屋

营业中

休息中

收工带同事去居酒屋食晚饭，叫咗好多嘢食，都好唔错，倾下计又过咗一晚餐厅格调好日本风，满满嘅灯笼同招牌，好似去咗日本一样😎✨饮品✨首先叫咗两杯饮品，同事唔饮酒就叫咗提子特饮，而本人就叫有酒嘅山梨白桃sawa特饮。饮落完全做果汁一样，淡淡嘅果香味，好适合配各款美食佳肴✨味噌广岛蚝锅✨店员首先递上gas炉，入面装住唔少蔬菜，有金菇、冬菇、椰菜等，配上味噌汤底。等汤滚后，先食蔬菜，再加上广岛蚝。广岛蚝大大只，成只手掌咁大，仲要好鲜甜，有成六旧咁多🤩✨鸡皮饺子✨呢款饺子形状好特别，用鸡皮代替饺子皮，咬落肉汁饱满✨串炸✨有年糕鱼饼、鹌鹑蛋、田鸡批。最欣赏年糕鱼饼，外层酥脆，里面有烟烟韧韧嘅年糕，口感丰富。✨各式串烧✨有鸡中翼、牛肠、日式免治鸡肉棒配上生鸡蛋，牛肠完全冇内脏嘅味道，好脆口；免治鸡肉棒里面配上一粒粒嘅鸡软骨，沾上生蛋浆，简直完美。饭团就好似食饭焦一样，十分有米香😋烧茄子更加夸张，大大条，十分满足🤩✨刺身✨最后梗系唔少得刺身啦，有三文鱼、油甘鱼、带子，带子大大只好鲜甜，其他就正常水准👍总体嚟讲，一间好高质嘅日式居酒屋👍