影片
更多
2024-07-04
112 浏览
今日同老公一齐放假，继续外出揾美食。发现原来大埔好多隐世餐厅，今日就去咗呢间位于美丰大厦嘅隐世Omakase铁板烧。一去到附近就好容易比佢嘅古朴大门吸引到！打开门入去，舖头细细间，有两位大厨喺度，佢哋好亲切，每上一道菜都会同我介绍系乜嘢嚟嘅。🥢 三文鱼沙律小小嘅一个贝壳碟，上面有一块三文鱼包住沙律，沙律菜好新鲜，大厨将沙律汁打成泡泡伴碟，成个感觉非常吸睛！呢一道靓靓嘅三文鱼沙律为我哋嘅美味铁板烧打开序幕！🥢 北海道刺身级带子伴格陵兰鱼子酱现海胆粒北海道带子太太太太太大粒啦，一上枱我忍唔住哗哗声，鲜甜美味弹牙有口感，仲有配上鱼子酱，个刺身变得好高级！！鱼子酱食落去一啲都唔腥，好好味。海胆都好鲜甜，无腥味，平时唔系太钟意海胆嘅老公都食到舔舔脷。🥢 澳洲龙虾一去到大厨已经比只龙虾我哋睇：大过我只手掌！！佢仲好细心咁放喺度任我影相，满足我「相机食先」嘅宗旨。龙虾肉好弹牙好新鲜，龙虾嘅酱汁系用佢本身嘅膏嚟整嘅，完完全全可以食晒成只龙虾嘅味道！🥢 招牌鹅肝多士块鹅肝好厚，煎完之后外面脆脆入面软软，多士上面加左芒果汁，中和咗鹅肝嘅腻，大厨仲用意大利黑醋画咗个心心伴碟，又系一道「相机食先」菜式。🥢 和
一去到附近就好容易比佢嘅古朴大门吸引到！打开门入去，舖头细细间，有两位大厨喺度，佢哋好亲切，每上一道菜都会同我介绍系乜嘢嚟嘅。
🥢 三文鱼沙律
小小嘅一个贝壳碟，上面有一块三文鱼包住沙律，沙律菜好新鲜，大厨将沙律汁打成泡泡伴碟，成个感觉非常吸睛！呢一道靓靓嘅三文鱼沙律为我哋嘅美味铁板烧打开序幕！
🥢 北海道刺身级带子伴格陵兰鱼子酱现海胆
粒北海道带子太太太太太大粒啦，一上枱我忍唔住哗哗声，鲜甜美味弹牙有口感，仲有配上鱼子酱，个刺身变得好高级！！鱼子酱食落去一啲都唔腥，好好味。海胆都好鲜甜，无腥味，平时唔系太钟意海胆嘅老公都食到舔舔脷。
🥢 澳洲龙虾
一去到大厨已经比只龙虾我哋睇：大过我只手掌！！佢仲好细心咁放喺度任我影相，满足我「相机食先」嘅宗旨。龙虾肉好弹牙好新鲜，龙虾嘅酱汁系用佢本身嘅膏嚟整嘅，完完全全可以食晒成只龙虾嘅味道！
🥢 招牌鹅肝多士
块鹅肝好厚，煎完之后外面脆脆入面软软，多士上面加左芒果汁，中和咗鹅肝嘅腻，大厨仲用意大利黑醋画咗个心心伴碟，又系一道「相机食先」菜式。
🥢 和牛厚烧
厚厚嘅一嚿和牛，肉嘅纹路好靓，同油脂嘅纹路拼埋，未整就知道一定好食！我哋order咗五成熟，切开仲见到入面嘅油脂，配上炸好嘅蒜片，一脆一软，完美嘅配合！嚿和牛好香牛味，唔油腻，咬落去无渣，好好食，最后一旧忍唔住要同老公争食！
五星级嘅食物、五星级嘅环境、五星级嘅服务！！虽然菜式系一样一样咁样上枱，但系食嘅时候一啲压迫感都无，有充足嘅时间影相同品尝，食完一样仲可以慢慢欣赏佢煮下一道菜，价钱虽然唔平，但系完全值得！！
张贴
