影片
更多
2024-11-07
825 浏览
一打开门入到去就见到好日式风嘅装修，仲有无脸男坐系度欢迎你😆餐厅有HKD388半放题set,仲有另一个HKD498 嘅set ,前者自选5个日式小食/炸物，后者就系自选5款浜烧海鲜，由于今次主要系想食寿喜烧，所以就拣咗HkD388 果个。一坐低，店员已经主动介绍menu,态度好好，唯一要弹系个位有d 窄，放题嚟讲坐得有d 唔舒服。讲下HKD388 有咩食先，先嚟嘅系沙律同刺身塔，沙律够汁，蔬菜亦新鲜。刺身切成条状，有带子，三文鱼等，最底系吞拿鱼溶，味道都唔错，食得出唔系一般放题嘅cheap cheap 刺身，刺身上枱时温度亦适中，无话溶晒雪/无解冻嘅情况。----之后就到自选嘅5款小食/炸物，我地拣咗甲罗烧，烧蚝，海胆大叶天妇罗，和牛粒。最后一款我拣左芝士年糕，男朋友拣咗炸蚝甲罗烧偏甜，味道ok,多士略嫌唔够脆唔够热。烧蚝明显系烧过，唔系求其整熟整热就扮烧咗，生熟度岩岩好，蚝亦鲜味，正❤️海胆大叶大妇罗炸得几好，上枱系热嘅，面皮亦好薄，但海胆唔系特别甜，食完对海胆无乜印象，反而对个面皮有正评😂和牛粒都系必拣，有好香嘅炭烧味，牛肉粒质素几好，食到牛味加小小和牛香芝士年糕同炸蚝就一般日式放题
一打开门入到去就见到好日式风嘅装修，仲有无脸男坐系度欢迎你😆
餐厅有HKD388半放题set,仲有另一个HKD498 嘅set ,前者自选5个日式小食/炸物，后者就系自选5款浜烧海鲜，由于今次主要系想食寿喜烧，所以就拣咗HkD388 果个。
一坐低，店员已经主动介绍menu,态度好好，唯一要弹系个位有d 窄，放题嚟讲坐得有d 唔舒服。
讲下HKD388 有咩食先，先嚟嘅系沙律同刺身塔，沙律够汁，蔬菜亦新鲜。刺身切成条状，有带子，三文鱼等，最底系吞拿鱼溶，味道都唔错，食得出唔系一般放题嘅cheap cheap 刺身，刺身上枱时温度亦适中，无话溶晒雪/无解冻嘅情况。
----
之后就到自选嘅5款小食/炸物，我地
拣咗甲罗烧，烧蚝，海胆大叶天妇罗，和牛粒。最后一款我拣左芝士年糕，男朋友拣咗炸蚝
甲罗烧偏甜，味道ok,多士略嫌唔够脆唔够热。
烧蚝明显系烧过，唔系求其整熟整热就扮烧咗，生熟度岩岩好，蚝亦鲜味，正❤️
海胆大叶大妇罗炸得几好，上枱系热嘅，面皮亦好薄，但海胆唔系特别甜，食完对海胆无乜印象，反而对个面皮有正评😂
和牛粒都系必拣，有好香嘅炭烧味，牛肉粒质素几好，食到牛味加小小和牛香
芝士年糕同炸蚝就一般日式放题质素，唔差但无特别。
感觉上拣天妇罗/串烧会比较出色。
-----
寿司部份，选择唔算多，但就任食，每次每人可以叫五件，放题嚟讲，寿司系高质，绝对唔系纯为塞饱你，醋饭做得好好，自己最中意火灸左口鱼边，火枪烧过带出到鱼油嘅香，而饭+鱼油超级好食🫢🫢
----
主食系寿喜烧。A4和牛，北海道米豚，蚝，野菜，紫菜蛋乌冬/饭都系任食。
呢个价钱食到呢个质素嘅和牛真系超值，佢每块唔算大/厚，但绝对满足。重点系再叫第二碟第三碟都保持质素，无话愈出愈差。
米豚味道都甜，但俾我拣，我就会主攻牛😆
蚝亦系新鲜货，前后叫咗两转。
乌冬系正常水准，基本上蛋汁+紫菜都唔会差，不过食到呢度已经好饱🤪
最后甜品都有诚意，系好食嘅豆腐雪糕🥰 食完咸野整个清淡嘅雪糕，完美作结。
---
特别想赞佢地嘅服务，收碟收得好快，叫完野食亦好快上枱，无拖时间，快手得嚟又有礼貌，到差唔多够钟亦无催埋单，无话last order,原本仲担心90分钟唔够食，结果系我地饱到投降
张贴
