麺屋飛丸

营业中

休息中

餐厅系转角位，有大玻璃，边食边望住行人行黎行去，写意。座位有室内、外，室内播放日文歌曲，有feel。每碗份量足，食完饱肚，汤都可以饮清哂～鸡白汤黑蒜油($93)，黑蒜味浓郁，食落完全唔油腻，食完亦冇口渴情况。每碗都配有猪肩肉叉烧、慢煮鸡胸、鸡肉丸等。叉烧大片，鸡胸软嫩，如果觉得唔够，可以追加配料。味玉流心，一咬即爆酱，如果追加都值得～面条硬度都可以选择，如果有唔钟意既配料，亦可以自由删走，落单形式方便，自由度高。例如有紫菜/木鱼花、竹笋、洋葱、青葱。鲣节清汤盐味($90)，汤底清相对清d，配料一样不过由紫菜转木鱼花，鸡肉丸超juicy好食。免治鸡肉棒($32)，一共有2串，外皮少少焦脆，有少少软骨，增加口感。啖啖肉好juicy。大阪风唐扬饺子($32)，大量木鱼花洒系面头，饺子外皮脆口，肉馅内有粟米，有惊喜。拉面加配小食，会送一罐罐装饮品，其余可以加钱升级。整体，小店风拉面，系元朗难得有高质既拉面铺，又有小食选择，仲要唔贵，值得食。