滾爺火鍋 (金巴利道)

营业中

休息中

天气开始转凉，又嚟到打边炉嘅季节。钟意食椰子鸡嘅我哋今次专登拣咗间出名食椰子鸡锅同火锅嘅餐厅，一次过满足晒两个愿望。打边炉又点少得酱料，餐厅提供嘅酱料有多款不同酱料选择，大家可以悉随尊便配搭喜爱嘅口味。 椰子鸡锅 ($248) - 呢个绝对系餐厅嘅招牌菜， 首先要赞吓佢真系非常足料，落足四个椰子，用嘅系泰国椰皇椰青。鸡件则用海南文昌鸡，非常有鸡味。个汤入口非常之清甜，充满椰子香味，鸡件嫩滑，绝对系必食之选。澳洲纯牛筋丸（$68）- 呢个非常有惊喜，牛筋丸非常弹牙爽口，入边肉汁丰富，牛味浓郁，必食推介。 手包韭菜饺（$40） - 韭菜饺足料好味，皮薄馅多，口感一流。餐厅环境阔落好错，通风系统做得好好，各种食材质素唔错，钟意食椰子鸡及打边炉嘅朋友可以一试。