古琴雅苑 (利舞臺廣場)

营业中

休息中

今日为咗庆祝朋友揾到新工，所以我地就揾咗间唔错嘅中菜去庆祝下～烤北京填鸭（半只）+ 鸭卷饼+ 烤鸭配料睇佢写半只烤鸭，以为会好少份，点知个份量都好多下，鸭嘅香味好劲，一咬落去啲鸭油都出晒嚟，就咁食嘅话可能好易腻，但配埋卷饼、青葱、青瓜等等嘅食材就刚刚好，食到我同朋友都唔停口。花雕醉鸡（半只）未食已经闻到好香嘅酒味，鸡嘅肉质都几嫩滑，啲酒味入味得嚟又唔会抢走晒啲鸡味，而鸡嘅份量又相当足料，劲赞！！清炒鳝糊本身我超钟意食鳝糊嘅人，但多时炒鳝糊都会配埋韭黄，令到我呢啲偏食嘅小朋友都却步，呢个清炒鳝糊就啱晒我，基本上系唔会食到有韭黄，可以放胆食啖啖肉嘅鳝！瑶柱蛋白炒饭个炒饭好足料，而且炒到个饭都好干身，而啲瑶柱个量都好多，所以成个炒饭都好香瑶柱味。南翔小笼包小笼包入面有好多汤汁，而且啲料都好足，食落去好有肉香味。