影片
更多
2021-09-03
2523 浏览
早排为左准备打针💉一直维持饮食清淡，打针梦带娘亲去左九龙城广场一间网红素食cafe☕️食lunch，无谂过娘亲食完之后就念念不忘，所以隔左一星期我地就二访呢间高质素食cafe，估计好快又会有第三访😆.Cafe店内既台凳🪑同天花以木系为主，黄色灯泡💡营造出柔和同舒适既气氛，而店内深处更设有塌塌米座位，令人仿如置身于日本🇯🇵至于cafe名「一禅」原来除左充满禅意🎋亦系佢地既理念，「一」既解作为「一份来自自然的丰盛」之外，同时令客人「透过一份素食、一杯咖啡静观当下，与天地万物为一」；「禅」则希望「以一杯咖啡带领大家专注当下，调和身心」🙂.呢度平日会有个精选午餐menu有四款选择，价钱同单点一样但就包左是日餐汤🥣同35蚊内既饮品☕️；而周末同假日就只有单点，相对就无咁抵食🙉另外都想讲返呢度只限两人一台👯♀️，如果3-4人同行就要分台坐/等候门口个张4人吧台，座位上既安排未必会太理想，希望café之后可以容许4人一台啦👩👩👧👧.最后要赞扬既系呢度既服务💁🏻♀️，两次到访系入座同离座时店员们都表现出友善既一面，会打招呼同讲bye bye，加上cafe既食物质素令我地好感受到佢地对制作食物既认真，
.Cafe店内既台凳🪑同天花以木系为主，黄色灯泡💡营造出柔和同舒适既气氛，而店内深处更设有塌塌米座位，令人仿如置身于日本🇯🇵
至于cafe名「一禅」原来除左充满禅意🎋亦系佢地既理念，「一」既解作为「一份来自自然的丰盛」之外，同时令客人「透过一份素食、一杯咖啡静观当下，与天地万物为一」；「禅」则希望「以一杯咖啡带领大家专注当下，调和身心」🙂
.
呢度平日会有个精选午餐menu有四款选择，价钱同单点一样但就包左是日餐汤🥣同35蚊内既饮品☕️；而周末同假日就只有单点，相对就无咁抵食🙉
另外都想讲返呢度只限两人一台👯♀️，如果3-4人同行就要分台坐/等候门口个张4人吧台，座位上既安排未必会太理想，希望café之后可以容许4人一台啦👩👩👧👧
.
最后要赞扬既系呢度既服务💁🏻♀️，两次到访系入座同离座时店员们都表现出友善既一面，会打招呼同讲bye bye，加上cafe既食物质素令我地好感受到佢地对制作食物既认真，呢个亦系我地会继续光顾既原因👍🏻
******************************
🍴 蘑菇汤🍄 (单点$30)
呢度既蘑菇汤货真价实到每一啖都会饮到大量蘑菇颗粒🍄，无论系闻/饮都能够感受到蘑菇味道好香浓，无太多调味但又唔会过于清淡，令人感觉天然无负担🌱
-
✨日式烤野菜咖喱配椰菜花饭🍛 (全素) ($98)
烤野菜色彩丰富🌈，有翠玉瓜🥒、莲藕、茄子🍆、烤薯🥔同车厘茄🍅；而椰菜花系加入左黄姜粉先打碎再拎去炒，减低寒气❄️亦令椰菜花饭更加干身，可谓别具心思❤️
咖哩系由日本🇯🇵进口不含五辛成分既咖哩粉煮成，咖哩香气扑鼻又富有日式既味道，不过个人就觉得辛辣🌶左少少，相信无咁辣既话会食得更加享受🤣
唔好以为成碟「饭」只得蔬菜会唔够饱，每款烤野菜都有3件而且椰菜花饭既份量都几多，食下食下其实系好饱肚，男士👨🏻都够食😉
-
✨羽衣甘蓝意大利青瓜意粉🥒🍝 (含五辛) ($95)
外食黎讲青瓜面比椰菜花饭更为罕见，当食第一口「意粉」发现原来系热♨️既都咪话唔意外😆
无谂过热左既青瓜丝依然保持到青瓜爽脆既口感，加上由新鲜羽衣甘蓝同忌廉(唔确定系咪素忌廉)打成既青酱，味道带点蒜香🧄，整体黎讲系creamy而不腻😋
另外仲有榛子碎、芦笋同炸莲藕片作点缀，后者有如薯片一样薄脆，为素食带来一点特别😊
-
✨All day breakfast🍱 (含五辛) ($95)
呢份素食版既all day breakfast有炒蛋🍳、牛油果🥑、蘑菇🍄、鹰嘴豆、薯饼、菠菜同自家制酸种面包🍞，相比有烟肉🥓、火腿同香肠既传统版本会更加健康🤗
个人最满意既系薯饼炸得够香脆而不带油味，不过碍于大部分配料都系原始食材，相比其他创新菜式自然觉得呢份主食比较普通😅
-
✨黑松露素芝士藜麦饭🍄 (全素) ($85)
由于藜麦既体型较小，外食食到既藜麦饭通常唔系太硬就系煮得太烂，而呢度既藜麦饭就由洋薏米混合左白藜麦，令饭粒食落更有口感亦集蛋白质、纤维同omega3于一身🙆🏻♀️
饭粒以黑松露🍄同素芝士🧀煮制，两者比例适中⚖️，既食到黑松露味又唔会令人觉得好腻，绝对系健康版既炖饭🌟
-
✨照烧汁淮山扒大啡菇堡配蕃薯条🍄 (全素及含五辛) ($80)
呢份仿汉堡🍔以大啡菇🍄取代牛油软包，内层有生菜🥬、蕃茄🍅同一块以淮山同甘笋🥕打碎而成既淮山扒；未知系咪因为全素关系，照烧汁既味道唔太明显，只有食材天然既味道🤔
至于粗切既蕃薯条🍠味道清甜，因为水分度💧高相对唔会炸到好脆，感觉会无咁热气😌
-
✨抹茶挞🥧 (全素) ($58)
抹茶内馅用上小山园抹茶粉，茶味都几浓郁，甘甜唔苦涩而且带回甘，口感亦唔会太干
饼底同批边非常松脆，唔系一切就散个种，要用少少力先切得开🍴
面头唧上素忌廉球令卖相更可爱，另外亦洒上黄豆粉，视觉同味觉上都充满住强烈既日式味道💚
-
✨伯爵花茶黑莓蛋糕🍰 (全素) ($50)
三层伯爵花茶蛋糕之间再抹上伯爵花茶忌廉令茶味🫖非常突出，夹层茶味忌廉因为加左酸中带甜既黑莓果酱，就算成件蛋糕以伯爵花茶为主都唔会令人觉得好over，反而仲会觉得两者既味道好夹😍
忌廉层用既系素忌廉，比正常忌廉会更加厚身同实净，个人认为蛋糕夹住茶味素忌廉有种似系食紧brownie既感觉😋
由于呢款素蛋糕实在太出色，二访时有再encore，日前更加忍唔住订左原个蛋糕系朋友聚会上与朋友分享，就系钟意到如此疯狂🤣
-
✨青瓜青柠梳打🍹 (午餐转配+$10) ($45)
青瓜青柠🥒🍋呢个组合听落已经够晒清新，cafe更体贴地磨左d姜茸加落饮品去中和冻饮同青瓜既寒气❄️，如此用心值得大赞👍🏻
-
✨豆腐抹茶🍵 (午餐转配+$20) ($55)
虽然呢款只有冻饮❄️，不过由于茶内并无加冰块🧊所以唔会太冰凉🆒
抹茶🍵味道纯正而带回甘，因为加左豆腐搅拌令口感偏厚似奶昔，茶味之中饮到浓郁既豆味，比起普通既冻抹茶鲜奶更有特色🌟
-
✨豆腐焙茶🫖 ($55)
焙茶茶香强烈，独特既香气令平时好少饮焙茶既我觉得佢既味道比抹茶更加吸引😍，有种莫名既喜欢💕
-
✨鲜奶抹茶🍵 (热$45 / 冻$48)
唔钟意豆腐既朋友可以拣返呢款鲜奶抹茶💁🏻♀️
单系上面既独角兽🦄已经非常吸睛👀，味道就更加无需重复再讲，绝对系一杯又睇得又饮得过既饮品😌******************************
👧🏻人均消费：$170
😋味道指数：4/5
💰抵食指数：3.5/5
🪑环境指数：3.8/5
💁🏻♀️服务指数：4/5
👍🏻再访指数：4.5/5
-
📍一禅
地址：九龙城贾炳达道128号九龙城广场UG楼UG18号舖
⏰营业时间：08:00–19:00 (Mon–Fri)；
08:00–20:00 (Sat–Sun)
张贴
