正潮樓

营业中

休息中

放工同朋友特登来试呢间潮州菜馆，一入去店员都好好招呼，坐低无耐我地就决定好食咩，因为来之前已经做左research，我地两个人叫左五样野，最后食到好饱😂。卤水鹅片（例牌），啖啖肉又大份，卤水汁又入味，仲有啲豆腐垫底，非常丰富。汕头煎蚝烙，总共切开有八件，我哋最后都只系食咗三件，其他都系打包，但刚刚煎出嚟热辣辣，再点埋鱼露，真系好香口。煎韭菜粿，同我想像中有少少唔同，原来佢入边只有韭菜无肉，而佢个皮就非常Q弹，食落好特别。糖醋煎伊面，呢个我就期待咗好耐，出去食好多时都冇呢个𩠌嘅选择，我特登同啲店员讲叫师傅煎脆啲㶶啲，出到嚟份量唔算好大，我哋两个人都食得晒，每一件再点啲糖同醋，复杂嘅味道令人一食想再食。清心丸绿豆爽，甜度适中，食完四个𩠌再配上呢份甜品，就冲走咗啲油腻感。最后埋单都唔使$600，仲要每样野都好好味，一定会返转头再来食，下次已经谂好要试佢个蚝仔粥，五台有四台都有叫。