新香園

营业中

休息中

一向都系去旧店，虽然我对蛋牛治印象一般，另一半却几喜欢佢地嘅猪手面。去年底原本想食马拉野，但人多到不得了，只好转移到新香园，呢次系我地第一次黎新店。装潢企理，阔落得多，初始印象良好。餐牌大同小异，三文治、粉面、饭等麻辣蛋牛治 $23/烘底、冻柠茶 $16蛋治即点即制，卖相比起桂林街嘅吸引啲，起码眼见多左啲麻辣汁加持，蛋治唔会又干又老。面包烘至硬脆，鲜牛肉以麻辣油炒，再加蛋煎，牛肉嘅部份做得唔错，保留肉汁，略嫌鸡蛋嘅存在感低左啲。麻辣油令蛋治更惹味，对于乜都钟意有少少辣嘅人黎讲系福音。猪手面 $25腩汁牛丸面 $24面食价钱唔贵，而且够大碗，猪手面系另一半至爱。双蛋餐肉一丁 $33纯粹屎忽痕先会点餐蛋面，一丁淋到不得了，而且汤底好淡，认真唔抵食。