鍾菜館

营业中

休息中

環境5分：樓上酒樓裝修到好似個古城咁好有氣勢同霸氣，Ｄ位闊落又舒服，比以前稻香高級多多聲，畀佢五分。衛生4分：碗碟餐枱茶水都好乾淨，電子掃瞄點菜免接觸，點心大部份一人一籠，衛生可以畀四分。服務4分：服務員唔多，但上菜快，肯幫老人家，可以畀四分。味道4分：1)    燉湯孖寶個花生眉豆雞腳煲豬骨湯味夠濃，好足料同夠火候。2)    孖寶個雪菜肉絲炆米都幾大碟，濕爽好味。3)    廚鮮孖寶個咕嚕肉非常爽脆，果D菠蘿新鮮切出黎，又甜又多汁。4)    孖寶個和風櫻花蝦炒飯嘢味夠乾身。5)    南翔小籠包皮就夠薄，不過就唔夠湯汁。6)     生拆鮮蝦餃入面隻蝦就好爽，係個蝦餃皮太厚出事。7)     原蝦燒賣皇大大隻又好味。抵食3分：點心價逐粒計好似仲貴過Ｄ酒店中餐廳，茶錢都要成十六蚊，似係食新裝修，見好食先畀三分。