鍾菜館

营业中

休息中

环境5分：楼上酒楼装修到好似个古城咁好有气势同霸气，Ｄ位阔落又舒服，比以前稻香高级多多声，畀佢五分。卫生4分：碗碟餐枱茶水都好干净，电子扫瞄点菜免接触，点心大部份一人一笼，卫生可以畀四分。服务4分：服务员唔多，但上菜快，肯帮老人家，可以畀四分。味道4分：1)    炖汤孖宝个花生眉豆鸡脚煲猪骨汤味够浓，好足料同够火候。2)    孖宝个雪菜肉丝炆米都几大碟，湿爽好味。3)    厨鲜孖宝个咕噜肉非常爽脆，果D菠萝新鲜切出黎，又甜又多汁。4)    孖宝个和风樱花虾炒饭嘢味够干身。5)    南翔小笼包皮就够薄，不过就唔够汤汁。6)     生拆鲜虾饺入面只虾就好爽，系个虾饺皮太厚出事。7)     原虾烧卖皇大大只又好味。抵食3分：点心价逐粒计好似仲贵过Ｄ酒店中餐厅，茶钱都要成十六蚊，似系食新装修，见好食先畀三分。