影片
更多
2020-04-22
501 浏览
呢次系我第三次嚟食La Paloma喇，不过次次嚟到都系帮衬唔同嘅款式，第一次系晚餐嗌A la Carte Menu，第二次系Weekend Brunch Set，而今次第三次就系食All You Can Eat Tapas Menu，实行来一个西班牙Tapas之夜🇪🇸。留意返呢个任食餐只系星期三晚供应，每人承惠$300；我都系因为呢个餐先特登Book枱食。呢个餐系唔包饮品的，如果想要1.5 Hours Free Flow Sangria就要比多$180/一个人，有啲贵🙈，所以我哋只系单点咗一杯Rose Sangria($98)，酒味唔重，但🌹玫瑰味几出。我哋点餐时好霸气咁话全部同我上一份😎🤣，哈哈。既然任食，梗系全部试哂啦，睇下边款好食先Encore。餐厅当然无一次过上哂13款畀我哋，而系跟住餐牌上嘅次序分3-4次出菜。店员好细心，每次当我哋就嚟食完嘅时侯，就会准备帮我哋收碟，同再起菜，服务扺赞👍。第一轮嘅四款我认为系最正😚，可能加埋肚饿嘅关系啦：🥓Serrano Ham with Tomato Bread🥓呢个系西班牙风干火腿拼盘，火腿每片薄薄的，好考刀功；口味我觉得无平日咁重口味
呢次系我第三次嚟食La Paloma喇，不过次次嚟到都系帮衬唔同嘅款式，第一次系晚餐嗌A la Carte Menu，第二次系Weekend Brunch Set，而今次第三次就系食All You Can Eat Tapas Menu，实行来一个西班牙Tapas之夜🇪🇸。留意返呢个任食餐只系星期三晚供应，每人承惠$300；我都系因为呢个餐先特登Book枱食。
呢个餐系唔包饮品的，如果想要1.5 Hours Free Flow Sangria就要比多$180/一个人，有啲贵🙈，所以我哋只系单点咗一杯Rose Sangria($98)，酒味唔重，但🌹玫瑰味几出。
Rose Sangria
$98
20 浏览
0 赞好
0 留言
第一轮嘅四款我认为系最正😚，可能加埋肚饿嘅关系啦：
Serrano Ham with Tomato Bread
20 浏览
0 赞好
0 留言
呢个系西班牙风干火腿拼盘，火腿每片薄薄的，好考刀功；口味我觉得无平日咁重口味，但好香，反而仲啱我😍。另外，仲有几旧蕃茄蓉法包，味道都唔错。
Russian Salad
24 浏览
0 赞好
0 留言
呢个沙律好食，但唔会令人印象深刻，因为用料同配搭(菜、熟呑拿鱼同熟菜)都比较大路，唔知俄罗斯口味系咪真系咁㗎呢？
Sardinillas
17 浏览
0 赞好
0 留言
沙甸鱼系西班牙Tapas嘅座上客，呢样菜式嘅造型相当特别，因为系放喺个罐头入面。鱼仔唔会有腥味，连埋旁边啲鱼松／肉松(唔Sure系咩)食几易入口；不过我食开系腌酸味重啲。
Ceviche de Vieiras Y CoCo
19 浏览
0 赞好
0 留言
呢个系咁多款Tapas入面我最钟意食嘅一款，日本带子刺身，配上泰式风味(因为芒果味同椰子味都好出)嘅Dressing，超开胃🤤！
第二轮嘅四款，对于食肉兽嘅我哋相对无咁吸引，因为系偏Vegan Food🥦：
House Salad
25 浏览
0 赞好
0 留言
沙律大大兜，造型系靓嘅，蔬菜材料亦都几多，包括有红萝卜、洋葱、车厘茄、蛋同橄榄等，再淋上黑醋汁。可惜我唔太啱食...。
Salmorejo Cordobes
18 浏览
0 赞好
0 留言
店员好细心，即使我哋无Order到两份，佢都一人俾一碗我哋，唔使Share。今次系我第一次饮西班牙蕃茄冻汤🥫，感觉都几得意，口感比较多蓉，唔系偏流质Liquid form，无想像中咁酸，一试无妨！
Patatas Bravas O Con Alioli
24 浏览
0 赞好
0 留言
炸薯粒又系其中一道我喜欢嘅Tapas，因为我系薯仔控嚟。估唔到会有两兜，原来系因为有两款口味！白色𠮶只系蒜泥蛋黄酱Alioli，味道较淡；相反红色𠮶只红椒粉Paprika惹味好多，辣辣地🌶，食唔停唔。
第三轮嘅四款Tapas系较常见嘅款式，我哋有喺其他餐厅食过😃：
Pimientos del Padron
41 浏览
0 赞好
0 留言
呢个再次介绍返，系蜡笔小新最憎食嘅青椒嘅Friend，因为佢唔系Bell Pepper，而系辣椒形状嘅Padron Pepper，比较好食。只要落少少盐调味、唔使花巧，已经好好食，但我认为餐厅可以重手啲。
Croquetas de Jamon O Setas
12 浏览
0 赞好
0 留言
Croquettes Mushroon
29 浏览
0 赞好
0 留言
呢个炸薯蓉？又名炸可乐饼，又系有两个口味，店员畀我哋试哂。所以我哋发现磨菇口味比较香浓同特别，而火腿味就一般。由于系炸物嘅关系，感觉比较热气。
Gambas al Ajillo
51 浏览
0 赞好
0 留言
香蒜辣虾真系好难整得难食，除非只虾唔新鲜。虾肉弹牙美味，个蒜香辣汁好正，夹埋牛油好香，配面包一流。
Tortilla
11 浏览
0 赞好
0 留言
西班牙奄列又名蛋饼，实属饱肚之选，圆圆的一大件，材料主要有蛋、洋葱同薯仔。不过呢件无落西班牙肠或火腿，少咗份咸香，所以失色咗少少啊。
第四轮，亦系最系一轮，我哋都已经有啲饱了，好彩呢两款都唔错：
Bikini
29 浏览
0 赞好
0 留言
呢个其实即系三文治🥪，口感似飞碟吧，但整体薄啲，同松脆啲。即使我已经好饱，但都觉得佢好好食，因为啲馅料好夹，芝士同黑松露都好香🧀，连埋火腿食，正啊！
Chorizo
36 浏览
0 赞好
0 留言
呢个西班牙香肠好咸、好重口味，但又令人有想再放入口嘅感觉。莫非依个就系小新口中妮妮妈妈出品好复杂的味道😜？
十几款Tapas中我哋只系Encore了Serrano Ham同Scallop Ceviche，因为无咁饱肚，同最好食😋。我无谂过食Tapas都可以食到咁饱啰，劲开心、劲满足！
环境方面，餐厅好大、有好多座位，客人自然坐得舒服，而且仲有少量室外座位。另外，餐厅装修好靓，适合港女打卡，哈哈。我哋坐嘅位置刚好望到厨房，周不时见到厨师们👨🏼🍳好有镬气咁整紧嘢食，甚至见到啲火团🔥。
总括嚟讲，La Paloma真系无乜令人可挑剔嘅地方💯。即使唔能够话每一款Tapas都好好食，但起码一定唔差，加上口味因人而异嘛。暂时无得去西班牙旅行，但付上几百蚊就可以食到一餐正宗嘅西班牙菜，确系唔错！题外话，呢到系唔收加一服务费的，但店员服务都绝不马虎啊！
张贴
