Maison Du Mezze

平日晚上唔多人，同朋友一行4人去试黎巴嫩菜。叫咗个Mixed Hummus Platter, Mixed Sambusek Platter, Salmon Tartar同Falling off the Bone Lamb Shoulder。Mixed Hummus Platter 本身跟2块包，4个人食都够。不过啲酱料都几多，所以我地再叫多2块包点酱。由于系mixed platter，所以一次过可以试哂4款酱（原味，香草，红菜头同松露）面包够热，啲酱好味，同啲包好夹。Mixed Sambusek Platter就好似咖哩角咁。但入面唔系咖哩，有菠菜，芝士同羊肉三款口味。个人比较钟意芝士同羊肉，因为菠菜𠮶款系带有酸味。Salmon Tartar同平时出面食到既差唔多。唔差既。最吸引同最好味系Falling off the Bone Lamb Shoulder啫系12小时慢煮羊。肉好嫩滑，好juicy，系食过最好味既羊！！如果多人既真系必食既菜式！另外叫咗3杯野饮都系唔错既。成餐食都系$14xx, 唔算太贵。而食物都好好味，所以一定会再去！