影片
更多
2024-07-01
236 浏览
西餐成日食，今日朋友拣左巴西菜食，仲可以慢慢食，慢慢倾，完全唔会比人赶！食足3个钟，可以慢慢食慢慢倾！ 每次会送一两份餐点，等你食晒之后先会再上另外嘅食物！ 叫左个weekend brunch, 有5个小食，2个main, 再有甜品。蟹柳蛋黄酱牛油果卷- 口感几特别，外边嘅饭薄薄地，入边配有牛油果同青瓜另外有啲沙律蟹柳有啲葱，入口溶化，又少少辣，好惹味，辣味好特别，有七味粉同辣嘅沙律酱配呢个饭卷好夹好有新鲜感！池鱼唐辛子墨西哥辣椒汁- 鲜鱼片，无腥味，食落新鲜几清新，肉质肥瘦均匀。伴底的汁好似青咖喱的味道，配上鲜鱼片，蟹籽同香叶，鱼生配青咖喱都系第一次！木薯芝士粒- 食落有淡淡的芝士味，木薯烟烟韧韧外表炸嘅粒粒炸到脆卜卜，食紧一个外脆内软嘅糯米糍咁，配上甜辣酱就有另一番风味。烧椰菜花配香草沙律酱- 香口嘅西兰花，外边烧到金黄色，入边都腍，唔会好似平时𠮶啲外熟内生，好好食。微辛甜酸炸鸡- 炸鸡后配有酸甜酱有芝麻同香葱，口感似韩式炸鸡嘅味道，但个酱汁比较辣，但鸡肉好鲜嫩。主菜点左烤鱼配木薯沙律同猪肋排。烤鱼啲肉好嫩好滑，个木薯沙律好有sour cream 的味道，配合起个鱼系好夹，好好食！
蟹柳蛋黄酱牛油果卷- 口感几特别，外边嘅饭薄薄地，入边配有牛油果同青瓜另外有啲沙律蟹柳有啲葱，入口溶化，又少少辣，好惹味，辣味好特别，有七味粉同辣嘅沙律酱配呢个饭卷好夹好有新鲜感！
池鱼唐辛子墨西哥辣椒汁- 鲜鱼片，无腥味，食落新鲜几清新，肉质肥瘦均匀。伴底的汁好似青咖喱的味道，配上鲜鱼片，蟹籽同香叶，鱼生配青咖喱都系第一次！
木薯芝士粒- 食落有淡淡的芝士味，木薯烟烟韧韧外表炸嘅粒粒炸到脆卜卜，食紧一个外脆内软嘅糯米糍咁，配上甜辣酱就有另一番风味。
烧椰菜花配香草沙律酱- 香口嘅西兰花，外边烧到金黄色，入边都腍，唔会好似平时𠮶啲外熟内生，好好食。
微辛甜酸炸鸡- 炸鸡后配有酸甜酱有芝麻同香葱，口感似韩式炸鸡嘅味道，但个酱汁比较辣，但鸡肉好鲜嫩。
主菜点左烤鱼配木薯沙律同猪肋排。烤鱼啲肉好嫩好滑，个木薯沙律好有sour cream 的味道，配合起个鱼系好夹，好好食！
猪肋排食得出食诚意之作，好好食，煮得好腍，好入味，配有脆脆蒜蓉粒，唔使点烧烤酱都好够味，仲有少少菠萝做伴菜，菠萝配猪仔骨，感觉好开胃！
甜品拼盘- 热带甜品拼盘，有唔同嘅鲜果，热情果panna cotta ，朱古力雪糕，芒果雪葩，蓝莓cheese cake，卖相靓之余仲好好食。cheese cake 饼底好松脆，芝士蛋糕嘅内馅唔会太硬，芒果雪葩好fresh好新鲜好有果味，好有自家制嘅感觉，朱古力雪糕感觉好似石板街，panna cotta上面嘅热情果酱，配有饼碎，口感突出，布甸好滑好好食。
张贴
