AOAO

营业中

休息中

年尾系同朋友庆祝生日嘅季节，听朋友介绍拣咗呢间餐厅。餐厅装修行型格嘅路线，侍应嘅态度好友善、大部分都系外国人，菜式精致而好食。 前菜有莴笋丝沙律、带子天妇罗，同埋焦糖南瓜。莴笋丝沙律以鲣鱼汁酱做底，有种日式嘅味道，系一个清淡开胃嘅前菜。带子天妇罗嘅带子好大只，味道鲜甜、略淡，同味道稍浓嘅天妇罗夹埋几衬。焦糖南瓜好香甜，外脆内软，有种食糖不甩嘅感觉。 主菜有炭烧鳗鱼，同埋和牛三文治。鳗鱼系上咗枱之后侍应再用热辣辣嘅炭将佢烤热，好有仪式感。鱼肉外脆内软，口感弹牙。 以和牛三文治嘅和牛颜色粉嫩、牛味浓烈、口感好饱满，配上面包中和得啱啱好。 甜品有红豆大福同埋芝士蛋糕。我特别钟意佢嘅芝士蛋糕，味道香浓，有三种唔同嘅芝士，食落口感丰富。 值得一题嘅系呢度嘅cocktail都好好味，我同朋友试咗两三款感觉都唔错，有特色。