備長

营业中

休息中

喺中央图书馆温完书，行左过黎铜锣湾食晚餐。呢间日式居酒屋开6:00pm，可能时间尚早嘅关系，安排左张4人台俾我地坐。环境都算宽敞，每张台都用屏风隔住。台上已经准备好酱料，柠檬，盐，用黎点配串烧。每2位都会收前菜$28，青瓜加红萝卜条，几开胃。我地点左几款备长推介，去得居酒屋，当然要有串烧同啤酒，每款串烧最少要点2串。胡麻豆腐沙律 $62 胡麻酱配上蕃茄仔，豆腐，沙律菜，好新鲜，绝配。柚子芥末墨鱼须 $36/串 柚子味清新，芥末味刺激，墨鱼须爽口。牛舌厚切 $58/串 牛舌真系好厚，完全无overcook，点盐食几惹味。明太子鸡翼 $32/只 鸡翼烧得都香口，明太子酿入鸡翼内，啖啖肉，还有少许辣。海胆海鲜炒饭 $138 满满一层海胆喺炒饭上，好鲜味，完全唔腥，入口即溶。炒饭有带子粒，墨鱼粒，蚬，饭炒得干身。今晚麒麟生啤 $50 (买一送一）超抵，串烧怎能无啤酒。