BIG MAMA

营业中

休息中

晚上嚟左呢间系尖沙咀嘅韩食餐厅。餐厅啱啱新开，环境几干净企理。点完菜之后会送上韩式小菜，有芽菜、翠肉瓜、辣三文鱼、辣泡菜，辣泡菜酱料几清爽。小食叫左辣炒年糕，年糕几烟韧，个辣汁食到有红萝卜汁甜味同辣酱两只味。主食叫左猪肉菜包饭，配一大份蔬菜、白饭、特制酱汁，用蔬菜包住所有材料一齐食好丰富。另外叫左大酱汤，汤类餐点免费附送一碗白饭，大酱汤入面有翠肉瓜、豆腐粒、洋葱、蚬，汤底材料都几满，大酱汤底几香。