割烹 櫓杏 (iSQUARE國際廣場)

营业中

休息中

🩷火山锅浓郁嘅汤底融合咗多种蔬菜嘅鲜甜，配上猪五花嘅油香，层次丰富。白菜嘅清甜，猪五花嘅入口即化，汤底鲜美浓郁，食咗好暖胃。🩷鳗鱼同青瓜配土佐酢鳗鱼柔嫩鲜美，散发住淡淡嘅鲜味，青瓜爽脆清新，配埋土佐酢嘅酸甜口味，提升咗整体鲜味，酸甜开胃，好食。🩷熊本天草鲜鱼寿司三件拖罗嘅油脂丰富以及鲜味十足，吞拿鱼蓉军舰鲜甜细腻，再嚟一件厨师发办嘅寿司，每个食材鲜度极佳，米饭柔软略带醋香，食咗回味无穷。🩷菠萝雪芭食落去酸甜清爽嘅味道，口感细腻绵密，散发住浓郁嘅热带果香，清凉解腻，系完美嘅饭后甜品。呢个套餐仲有其他好食嘅例如新鲜刺身，鸡颈肉等等，就唔多加描述喇，等大家自己嚟呢度细心品尝喇。